জোনাই,৩০ জানুৱাৰী: সদৌ অসম সোণোৱাল কছাৰী ছাত্র সন্থাৰ (All Assam Sonowal Kachari Student Union) উদ্যোগত সোমবাৰে এখন গুৰুত্বপূৰ্ণ ৰাজহুৱা সভা তিনঠেঙীয়াৰ পূৱেৰুণ কৃষিপাম নিগম খেলপথাৰত অনুষ্ঠিত হয় । সদৌ অসম সোণোৱাল কছাৰী ছাত্ৰ সন্থাৰ সভাপতি দেবানন্দ চেলেং আৰু সোণোৱাল কছাৰী সাহিত্য সভাৰ সাংস্কৃতিক সম্পাদক মহানন্দ সোণোৱালে সভাপতিত্ব কৰা সভাৰ উদ্দেশ্য ব্যাখ্যা আগবঢ়ায় সদৌ অসম সোণোৱাল কছাৰী ছাত্ৰ সন্থাৰ সাধাৰণ সম্পাদক ৰাজু সোণোৱালে (Sonowal Kachari Student Union annual session) ।
সন্থাৰ কেইবাগৰাকীও কেন্দ্ৰীয় আৰু জিলা সমিতিৰ বিষয়ববীয়া, স্থানীয় বহু সংখ্যক গণ্য-মান্য ব্যক্তি উপস্থিত থকা সভাতে আগন্তুক ৭, ৮ আৰু ৯ এপ্ৰিল তাৰিখে তিনঠেঙীয়াৰ পূৱেৰুণ কৃষিপাম নিগম খেলপথাৰত অনুষ্ঠিত সদৌ অসম সোণোৱাল কছাৰী ছাত্ৰ সন্থাৰ ২২ সংখ্যক দ্বি-বাৰ্ষিক কেন্দ্ৰীয় অধিবেশনৰ অভ্যৰ্থনা সমিতিখন গঠন কৰা হয় ।
সভাত অসম চৰকাৰৰ মন্ত্ৰী বিমল বড়াক (cultural minister Bimal Bora) সভাপতি, প্ৰশান্ত বড়াক কাৰ্যকৰী সভাপতি, ধৰ্মানন্দ সোণোৱাল, দেৱেন্দ্ৰ সোণোৱাল, ক্ষীৰোদ বড়া, নৱ চুতীয়া, প্ৰদ্যুৎ দত্ত, চন্দন দেউৰী, ভদ্ৰ সোণোৱাল, দিলীপ শইকীয়া, কৰুণা সোণোৱাল, ৰহেশ্বৰ সোণোৱাল, ধনীৰাম শইকীয়া, দেৱেন সোণোৱালক উপ-সভাপতি, গুঞ্জানন বড়া, বিঞ্চু সোণোৱালক যুটীয়া সম্পাদক, যতীন সোণোৱালক সহকাৰী সম্পাদক, বীৰেন্দ্ৰ সোণোৱালক কোষাধ্যক্ষ হিচাপে লৈ মূল অভ্যৰ্থনা সমিতিখন গঠন কৰা হয় ।