জোনাই,28 ফেব্ৰুৱাৰীঃ শুকুৰবাৰে নিৰ্বাচন আয়োগে ঘোষণা কৰিলে অসম বিধানসভাৰ নিৰ্বাচনৰ দিন ৷ তাৰ পাছতেই কেৱল ৰাজনৈতিক দলৰ মাজতেই নহয়, তৎপৰতা বৃদ্ধি পাইছে প্ৰশাসনিক বিষয়াসকলৰ মাজতো ৷ শনিবাৰে অসম বিধানসভাৰ নিৰ্বাচন সন্দৰ্ভত জোনাইত মহকুমাধিপতিয়ে সংবাদমেল সম্বোধন কৰি ৰাইজক অৱগত কৰিলে নিৰ্বাচনৰ প্ৰাৰম্ভিক প্ৰস্তুতিৰ সবিশেষ ৷
মুঠ তিনিটা পৰ্যায়ত হ’বলগীয়া নিৰ্বাচনৰ ২৭ মাৰ্চত হ’ব ভোটগ্ৰহণ প্ৰক্ৰিয়া ৷ ১১৪ নং বিধানসভাৰ জোনাই সমষ্টিতো শান্তিপূৰ্ণ ভোটদানৰ বাবে জোনাই মহকুমা প্ৰশাসনে সকলো প্ৰাৰম্ভিক প্ৰস্তুতি সম্পন্ন কৰিছে । এইবাৰ জোনাই বিধানসভা সমষ্টিত ২২,৭৫৮ গৰাকী নতুন ভোটাৰ সংযোগেৰে মুঠ ৩,০৮,১৮৩ গৰাকী ভোটাৰৰ ভিতৰত পুৰুষ ১,৫৬,৭০৯ জন আৰু মহিলা ১,৫১,৪৭৪ গৰাকী ভোটাৰে গণতান্ত্ৰিক অধিকাৰ সাব্যস্ত কৰিব ।
প্ৰাক নিৰ্বাচনী সন্দৰ্ভত জোনাইত মহকুধিপতিৰ সংবাদ মেল