ধেমাজি ,21মে': ধেমাজিৰ সদৰৰ পৰা অসামৰিক চিকিৎসালয়লৈ যোৱা প্ৰায় তিনি কিলোমিটাৰ দৈঘ্যৰ পথটোত নিৰ্মাণৰ এমাহৰ পিছতেই সৃষ্টি হৈছে প্ৰকাণ্ড গাঁতৰ । ফলত যাতায়তত অসুবিধা জনসাধাৰণৰ । স্মৰ্তব্য যে ৰাজ্য চৰকাৰৰ এছ অ পি ডি আঁচনিৰ 1.20 কোটি টকাৰ ব্যয় সাপেক্ষে ধেমাজিৰ পথ সংমণ্ডলৰ অধীনত বুদ্ধ কনষ্ট্ৰাকচনে নিৰ্মাণ কৰা পথটোত আশ্চৰ্যজনকভাৱে এমাহৰ ভিতৰত শিল-বালিৰ মিশ্ৰণ এৰাই যোৱাৰ উপক্ৰম হৈছে । পথছোৱাত ইতিমধ্যে সৃষ্টি হৈছে গাঁতৰ ৷
ৰাইডে পথ নিৰ্মাণকাৰী সংস্থাটোৱে নিম্নমানৰ কাম কৰাৰ অভিযোগ উত্থাপন হৈছে। এই সন্দৰ্ভত সংশ্লিষ্ট কৰ্তৃপক্ষক ৰাজহুৱা অভিযোগ দি অহাৰ পাছতো কৰ্তৃপক্ষই তিলমানো ব্যৱস্থা গ্ৰহন নকৰাৰ অভিযোগ উঠিছে । এমাহৰ পিছতেই এনেদৰে পথটো জৰাজীৰ্ণ হৈ পৰাত ঠিকাদাৰ আৰু সংশ্লিষ্ট বিভাগৰ বিৰুদ্ধে জাঙুৰ খাই উঠিছে স্থানীয় লোকসকল । ইপিনে সদ্যনিৰ্মিত পথটোৰ ভেহপৰা গাঁৱৰ অতি বিধ্বস্ত অংশটো মেৰামতিৰ বাবে শেহতীয়াকৈ উঠি পৰি লগা পৰিলক্ষিত হৈছে । নিৰ্মাণৰ এমাহৰ পিছতেই পুনৰ পথটো নিৰ্মাণৰ বাবে পথটি খান্দি নিৰ্মাণৰ বাবে ঠিকাদাৰ কোম্পানীটোৱে হাতে-কামে লগা কাৰ্যই সৃষ্টি কৰিছে ব্যাপক প্ৰতিক্ৰিয়াৰ ।
