বান আৰু গৰাখহনীয়াৰ স্থায়ী সমাধান বিচাৰি গণ আন্দোলনৰ হুংকাৰ আছুৰ

জোনাই মহকুমা ছাত্ৰ সন্থাৰ উদ্যোগত মঙলবাৰে গ্ৰহন কৰা হয় এক বিক্ষোভ কাৰ্যসূচী ৷ বান সমস্যাৰ লগতে গৰাখহনীয়াৰ স্থায়ী সমাধানৰ দাবীত দলটোৱে চৰকাৰৰ বিৰুদ্ধে সাব্যস্ত কৰে তীব্ৰ প্ৰতিবাদ ৷

জোনাই,৭ জুলাই:বান সমস্যা ক্ৰমাৎ এক গুৰুতৰ বিষয় হিচাপে পৰিগণিত হৈছে ধেমাজিবাসীৰ বাবে ৷ জিলাখনৰ জোনাইত বান সমস্যাৰ লগতে গৰাখহনীয়াৰ স্থায়ী সমাধানৰ দাবীত মঙলবাৰে জোনাই মহকুমা ছাত্ৰ সন্থাৰ উদ্যোগত ৰাংকপ তিনিআলিৰ পৰা আৰম্ভ কৰে এক বিক্ষোভ কাৰ্যসূচী ৷ প্ৰতিবাদী দলটোৱে জোনাইৰ মহকুমাধিপতিৰ কাৰ্যালয় প্ৰাংগণত মুখ্যমন্ত্ৰী সৰ্বানন্দ সোণোৱাল, স্বাস্থ্য মন্ত্ৰী ড৹ হিমন্ত বিশ্ব শৰ্মা আৰু জলসম্পদ মন্ত্ৰী কেশৱ মহন্তৰ প্ৰতিকৃতি দাহেৰে সাব্যস্ত কৰে প্ৰতিবাদ ৷ লগতে অসম চৰকাৰ হায় হায়, সৰ্বানন্দ সোণোৱাল হুঁচিয়াৰ, বান নিয়ন্ত্ৰণত ব্যৰ্থ জলসম্পদ মন্ত্ৰী কেশৱ মহন্ত মুৰ্দাবাদ, বিজেপি গ’ বেক আদি ধ্বনিৰে উত্তাল কৰি তোলে জোনাইৰ ৰাজপথ ৷

লগতে চাওকঃনলবাৰীত চলিছে মহিলাৰাজ...