জোনাই, 9 মাৰ্চ: ধেমাজি জিলাৰ জোনাই মহকুমাৰ অন্তৰ্গত লাইমেকুৰী টাক গাঁৱৰ নিবাসী তথা এগৰাকী সৰবৰহী ব্যক্তি কুশল কুলি মংগলবাৰে বিয়লি ৪.৫০ বজাত হৃদ ৰোগত আক্ৰান্ত হৈ নিজা বাসগৃহত পৰলোকগামী হয় ৷ কুশল কুলিৰ আকস্মিক মৃত্যুৱে সমগ্ৰ জোনাই অঞ্চলত শোকৰ ছাঁ পেলাইছে (Popular person Kushal Kuli suddenly died)। প্ৰয়াত কুশল কুলি টিএমপিকেৰ প্ৰাক্তন সহকাৰী সম্পাদক তথা মিচিং মিমাং কৌবাঙৰ জোনাই জিলা সমিতিৰ উপ সভাপতি আছিল ।
জানিব পৰা মতে মঙলবাৰে বিয়লি হঠাতে অসুস্থ হৈ পৰাত পৰিয়ালৰ লোকে ততাতৈয়াকৈ তেখেতক চিকিৎসকৰ ওচৰলৈ নিয়ে যদিও চিকিৎসকে তেওঁক মৃত বুলি ঘোষণা কৰে(Sudden death in Jonai)। মৃত্যুৰ সময়ত তেখেতৰ বয়স হৈছিল প্ৰায় ৫১ বছৰ ।
দীৰ্ঘদিন ধৰি জোনাইত মিচিং জাতীয় সংগঠনৰ হৈ সেৱা আগবঢ়াই গৈছিল অত্যন্ত সৰবৰহী ব্যক্তি কুশল কুলিয়ে। মৃত্যুৰ সময়ত তেখেতে এগৰাকী জী, এজন পুত্ৰ, পত্নী আৰু বহু আত্মীয়-স্বজনক ইহসংসাৰত এৰি থৈ গৈছে ।
মিচিং মিমাং কৌবাঙৰ জোনাই জিলা সমিতিৰ উপ-সভাপতি কুশল কুলিৰ মৃত্যুৰ খবৰ বিয়পি পৰাৰ লগে লগে টি এম পিকেৰ(Takam Mising Porin Kebang TMPK) প্ৰাক্তন নেতা তথা মিচিং স্বয়ত্ব শাসিত পৰিষদৰ সাধাৰণ সদস্য নৰেশ কুম্বাং, মিচিং মিমে কৌবাঙৰ সভানেত্ৰী গীতাঞ্জলী বৰি, পাতিটাকাম মিচিং পৰিণ কৌবাঙ জোনাই জিলা সমিতিৰ সম্পাদক মিগম দলে, সভাপতি সঞ্জয় কুম্বাং, মিচিং মিমাং কৌবাঙৰ জোনাই জিলা সমিতিৰ সভাপতি ববীকান্ত পেগু, সম্পাদক সদানন্দ পেগুৱে গভীৰ শোক প্ৰকাশ কৰি শোকসন্তপ্ত পৰিয়ালবৰ্গলৈ সমবেদনা জ্ঞাপন কৰে ৷ লগতে টাকাম মিচিং পৰিণ কৌবাঙ, মিচিং মিমাং কৌবাঙ, মিচিং মিমে কৌবাঙ, মিচিং দৃৰবৌ কৌবাঙৰ লগতে বহু মিচিং সংগঠনে নিজ বাসগৃহৰ পৰা জোনাই মিচিং কৃষ্টি ভৱনলৈ তেখেতক মৃতদেহ লৈ এক শান্তি সমদল উলিয়ায় । উপস্থিত সকলোৱে তেখেতৰ মৃতদেহত মাল্য অৰ্পণ আৰু পুষ্পাজ্ঞলীৰে শ্ৰদ্ধাঞ্জলি ঞ্জাপন কৰে ৷
লগতে পঢ়ক: Satish Kaushik death: Mr India ৰ Calendar চৰিত্ৰৰে দৰ্শকৰ হৃদয় জিনা সতীশ কৌশিক গ’লগৈ অজান দেশলৈ
