জোনাই, 14 নৱেম্বৰ : ৰাজ্য চৰকাৰৰ এটা বিয়াগোম চৰকাৰী বিভাগ ৷ বিয়াগোম বুলি কোৱাৰ প্ৰমাণ ৰাজ্যৰ কৃষক ৰাইজে প্ৰায়ভাগেই পাই আহিছে ৷ হয় আমি ক’ব বিচাৰিছো মন্ত্ৰী অতুল বৰা(Atul Bora)ৰ কৃষি বিভাগ(Agriculture Department)ৰ কথা ৷
জোনাইৰ Sub-Divisional Agricuture Departmentৰ শোচনীয় অৱস্থা
জৰাজীৰ্ণ তথা গুদাম ঘৰত চলি আছে ৰাজ্যৰ অন্যতম গুৰুত্বপূৰ্ণ বিভাগটোৰ এটা শাখা ৷ জোনাই মহকুমা কৃষি বিভাগ(Sub-Divisional Agricuture Department Jonai)টোৰ অৱস্থা দেখিলে আপোনাৰো চকু কপালত উঠিব ৷ যেন শ্মশান যাত্ৰাহে চলিছে এই বিভাগটোত ৷
বানে গৰকা 80 শতাংশ কৃষিজীৱি লোকে বসবাস কৰা জোনাই মহকুমাত যি ধৰণে এটা পূৰ্ণাংগ কাৰ্যালয় থাকিব লাগিছিল, তাৰ সলনি এটি জৰাৰ্জীণ ঘৰত চলি আছে জোনাই মহকুমা কৃষি বিভাগটো ৷ এই জৰাৰ্জীণ ঘৰতে এটা ফালে কামত ব্যস্ত থাকে কৃষি বিভাগৰ কৰ্মচাৰী আৰু আনটো চুকত আছে চৰকাৰে আৱণ্টন দিয়া বস্তাই বস্তাই নানা কৃষিজাত সামগ্ৰী ৷