ভাৰতীয় সেনাৰ ভূমিকাক প্ৰশংসা পেমা খাণ্ডুৰ জোনাই, 14 ডিচেম্বৰ:অৰুণাচলৰ টাৱাং জিলাৰ ইয়াংস্তেৰ ভাৰত-চীন সীমান্তত সংঘটিত দুয়ো দেশৰ সেনাৰ সংঘাতে সমগ্ৰ দেশ তথা বিশ্বতে চৰ্চা লাভ কৰিছে (Standoff at Indo China border)৷ এই সন্দৰ্ভত বুধবাৰে প্ৰতিক্ৰিয়া প্ৰকাশ কৰিছে অৰুণাচলৰ মুখ্যমন্ত্ৰী পেমা খাণ্ডুৱে ৷ তেওঁ কয় যে, প্ৰতিৰক্ষা মন্ত্ৰী ৰাজনাথ সিঙে ইতিমধ্যে এই সন্দৰ্ভত পদক্ষেপ গ্ৰহণ কৰিছে ৷ বৰ্তমান 1962 চন নহয় বুলি উল্লেখ কৰি তেওঁ কয় যে, প্ৰধানমন্ত্ৰী নৰেন্দ্ৰ মোদীয়ে বৰ্তমান এই সংঘাতৰ ক্ষেত্ৰত সবল স্থিতি গ্ৰহণ কৰি আহিছে ৷
উল্লেখ্য যে, ইয়াংস্তে হৈছে পেমা খাণ্ডুৰ নিজা সমষ্টি মুক্তোৰ অন্তৰ্গত সীমামূৰীয়া এটা অঞ্চল (Indo China border dispute) ৷ মুখ্যমন্ত্ৰীগৰাকীয়ে উল্লেখ কৰা মতে, সঘনাই নহ’লেও বছৰত অন্ততঃ এবাৰ তেওঁ সেই সমূহ অঞ্চললৈ যায় আৰু সীমান্তত থকা সৈনিকসকলৰ লগতে তাৰ স্থানীয় বাসিন্দা সকলৰ সৈতে মত বিনিময় কৰে ৷ সীমান্ত সুৰক্ষাৰ ক্ষেত্ৰত ভাৰতীয় সেনাৰ ভূমিকা আৰু বীৰত্বৰ প্ৰতি কৃতজ্ঞতা প্ৰকাশ কৰে পেমা খাণ্ডুৱে ৷
তেওঁ কয় যে, অৰুণাচলবাসী সদায় ভাৰতীয় সেনাৰ লগত আছে আৰু থাকিব ৷ ভাৰত আৰু চীনক সীমা সমস্যাৰ সমাধান তথা দুয়োখন দেশৰ মাজৰ পাৰস্পৰিক সৰ্ম্পক উন্নীতকৰণৰ বাবে আলোচনা কৰিবলৈও আহ্বান জনায় মুখ্যমন্ত্ৰী পেমা খাণ্ডুৱে (Pema Khandu on India China face off)৷
এই ঘটনা সন্দৰ্ভত প্ৰতিৰক্ষা মন্ত্ৰী ৰাজনাথ সিঙে কয়, "মই সদনক আশ্বাস দিব বিচাৰোঁ যে আমাৰ সেনাবাহিনীয়ে আমাৰ সীমান্ত ৰক্ষা কৰিবলৈ প্ৰতিশ্ৰুতিবদ্ধ আৰু ইয়াক প্ৰত্যাহ্বান জনোৱাৰ যিকোনো প্ৰচেষ্টা বিফল কৰিবলৈ সাজু ।" প্ৰতিৰক্ষা মন্ত্ৰী ৰাজনাথ সিঙে কয় যে চীনা সৈন্যই ৯ ডিচেম্বৰত অৰুণাচল প্ৰদেশৰ য়াংটছে খণ্ডত প্ৰকৃত নিয়ন্ত্ৰণ ৰেখা (Line of Actual Control ) অতিক্ৰম কৰাৰ চেষ্টা কৰিছিল । তীব্ৰ প্ৰতিদ্বন্দ্বিতাপূৰ্ণ সীমান্তত একপক্ষীয়ভাৱে চীনে স্থিতাৱস্থা সলনি কৰে (Arunachal Yangtse sector clash) ।
লগতে পঢ়ক:India China Border Clash : সীমান্ত সংঘৰ্ষৰ ফলত পৰ্যটকৰ বাবে বন্ধ বুমলা পাছ
তেওঁ কয় যে চীনা সেনাৰ প্ৰচেষ্টা ভাৰতীয় সৈন্যই দৃঢ়তাৰে আৰু সুদক্ষভাৱে মোকাবিলা কৰিছে । ৰাজনাথ সিঙে কয়, "মুখামুখী হোৱাৰ ফলত এক শাৰীৰিক হাতাহতি হৈছিল, য'ত ভাৰতীয় সেনাই সাহসেৰে চীনা পিপলছ লিবাৰেচন আৰ্মীক (Chinese Peoples Liberation Army) আমাৰ ভূখণ্ডলৈ প্ৰৱেশ কৰাত বাধা দিছিল আৰু তেওঁলোকক তেওঁলোকৰ চকীলৈ ঘূৰি যাবলৈ বাধ্য কৰাইছিল ।"
অৰুণাচল সীমান্তত ভাৰত-চীন মুখামুখি সংঘৰ্ষত (India China face off in Arunachal border) লিপ্ত হোৱাৰ মাজতে কেন্দ্ৰীয় গৃহমন্ত্ৰী অমিত শ্বাহে মঙলবাৰে কংগ্ৰেছক তীব্ৰ আক্ৰমণ কৰি কয় যে এয়া আছিল ড্ৰেগনৰ প্ৰতি নেহৰুৰ প্ৰেম (Amit Shah blamed Congress for China border issue), যিখন দেশে ভাৰতক ৰাষ্ট্ৰসংঘৰ নিৰাপত্তা পৰিষদত (United Nations Security Council) ইয়াৰ স্থায়ী আসনৰ পৰা বঞ্চিত কৰিছিল । টাৱাং খণ্ডৰ শেহতীয়া অচলাৱস্থা সন্দৰ্ভত সংসদত কংগ্ৰেছৰ ব্যাপক আক্ৰমণৰ মাজতে অমিত শ্বাহৰ এই মন্তব্য আহিছে (India China clash in Tawang Arunachal) ।
অমিত শ্বাহে স্বাধীনতাৰ পিছত চীনৰ প্ৰতি নৰম হোৱাৰ বাবে কংগ্ৰেছক দোষাৰোপ কৰে (Union Home Minister Amit Shah) । তেওঁ অৰুণাচল প্ৰদেশ আৰু লাডাখৰ সীমান্ত অঞ্চলত শেহতীয়াকৈ চীনা অনুপ্ৰৱেশৰ বাবে দেশৰ সবাতোকৈ পুৰণি দলটোক দোষাৰোপ কৰে (Chinese incursions along border areas) ।
কেন্দ্ৰীয় গৃহমন্ত্ৰীয়ে কংগ্ৰেছ দলক উপহাস কৰি কয় যে ৰাজীৱ গান্ধী ফাউণ্ডেচনে (Rajiv Gandhi Foundation) 2005-07 বৰ্ষত চীনা দূতাবাসৰ পৰা 1.35 কোটি টকাৰ অনুদান লাভ কৰিছিল । যিটো বিদেশী অনুদান নিয়ন্ত্ৰণ আইনৰ (Foreign Contribution Regulation Act, FCRA) পৰিপন্থী আছিল । তেওঁ কয় যে গৃহ মন্ত্ৰালয় ইয়াৰ বিৰুদ্ধে আগবাঢ়ি আহে আৰু তাৰ পঞ্জীয়ন বাতিল কৰে । কংগ্ৰেছে কেৱল RGF-ৰ FCRA বাতিলকৰণৰ সন্দৰ্ভত উঠিব পৰা প্ৰশ্নৰ পৰা আঁতৰি থাকিবলৈয়ে সংসদত সীমান্ত সমস্যা উত্থাপন কৰিছে বুলিও তেওঁ অভিযোগ কৰে ।
লগতে পঢ়ক:Army alert on China Tibet border: টাৱাং সীমান্তৰ সংঘাতৰ পাচতেই উত্তৰাখণ্ডত সষ্টম ভাৰতীয় সেনা
