Pathetic conditions of Hospital: 30 খন বিচনাযুক্ত চিকিৎসালয়ত চিকিৎসক মাত্ৰ এজন

উন্নয়নৰ নমুনা ! এজন চিকিৎসকৰে চলিছে ৩০ খন বিচনাযুক্ত জোনাই খণ্ড প্ৰাথমিক চিকিৎসালয় ৷ যাৰ ফলত ওচৰতে এটা চৰকাৰী স্বাস্থ্যকেন্দ্ৰ (Government Primary Health Center) থকাৰ পিছতো চিকিৎসক, ঔষধৰ অভাৱত গাঁঠিৰ ধন ভাঙি ৰোগীসকল অন্য ঠাইলৈ চিকিৎসাৰ বাবে আহিবলগা হয় ৷

জোনাই, 5 ডিচেম্বৰ :যি সময়ত চৰকাৰে উন্নয়ণৰ ঢোল-ঢাক বজাই আছে সেই সময়তে পোহৰলৈ আহিছে জোনাই মহকুমা স্বাস্থ্য বিভাগৰ ফোঁপোলা স্বৰূপ । জোনাইৰ ৩০ খন বিচনাযুক্ত চিকিৎসালয় আৰু জোনাই খণ্ড প্ৰাথমিক চিকিৎসালয় দুখনৰ পয়াঁলগা দৃশ্যই পুনৰবাৰ অসম চৰকাৰৰ স্বাস্থ্য বিভাগৰ ফোঁপোলা স্বৰূপ উদঙাই দিছে (Devastated form of Jonai State dispensary) ।

জোনাই ৩০ খন বিচনাযুক্ত চিকিৎসালয়ত মাহ মাহ ধৰি চিকিৎসা সেৱা আগবঢ়াই আহিছে মাত্ৰ এজন চিকিৎসকে । যাক লৈ ৰোগীৰ মাজত এতিয়া সৃষ্টি হৈছে হাহাকাৰ পৰিস্থিতিৰ (Shortage of doctors at Jonai Civil Hospital) । সঁচা অৰ্থত জোনাইৰ ৩০ খন বিচনাযুক্ত চিকিৎসালয়ত এক পঁয়ালগা দৃশ্যই বিৰাজ কৰিছে । নাই যে নাই চিকিৎসালয়খনত নাই বিদ্যুতৰ সুবিধাও ।

চিকিৎসালয়খনত অতি কমেও ১০ জনতৈ অধিক বিভিন্ন বিভাগৰ চিকিৎসক‌ থাকিব লাগে যদিও তাৰ সলনি তিনিজন চিকিৎসকৰ এটা শ্বিফটত মাত্ৰ এজন চিকিৎসকে চিকিৎসা সেৱা কৰি আহিছে দীৰ্ঘদিনৰ পৰা ।

যাৰ ফলত ৰোগীয়ে চিকিৎসালয়ত চিকিৎসা সেৱা কৰিবলৈ গৈ মৃত্যুৰে যুঁজি ঘূৰি যাবলগীয়া পৰিস্থিতিৰ সৃষ্টি হৈছে । ইয়াৰ উপৰিও চিকিৎসালয়খনত নাই কোনো উন্নতমানৰ ঔষধ-পাতিকে আদি কৰি উন্নত সুবিধা । গতিকে অতি শীঘ্ৰে অসম চৰকাৰৰ স্বাস্থ্য বিভাগে চিকিৎসলয়খনত পৰ্যাপ্ত পৰিমাণৰ চিকিৎসক নিযুক্তি দিয়াৰ লগতে ঔষধ-পাতি যোগান ধৰিবলৈ দাবী জনাইছে স্থানীয় ৰাইজে ।

লগতে পঢ়ক:GMC mud scam: গুৱাহাটীলৈ অনা হ’ল ধৃত বিতৰ্কিত ঠিকাদাৰ মিঠু আগৰৱালাক