চিলাপথাৰৰ তাম্ৰেশ্বৰী আইথানৰ 115 বছৰীয়া দুৰ্গা পূজাথলীত নাই পূৰ্বৰ উচাহ

ক'ৰণা আতংকৰ মাজতে চিলাপথাৰ চিলাসুঁতি তাম্ৰেশ্বৰী আইথানত 115 বৰ্ষীয় দুৰ্গা পূজা উদযাপন ৷ দশক জুৰি উদযাপন কৰি অহা পূজাথলীত এইবাৰ নাই পূৰ্বৰ উচাহ-উদ্দীপনা ৷ পূজাৰ বাকৰিত ওলমি ৰৈছে কভিদ প্ৰট'কলৰ বেনাৰ ৷

জোনাই, 23 অক্টোবৰ: ৰাজ্যৰ অন্যান্য প্ৰান্তৰ লগতে ধেমাজী জিলাৰ চিলাপথাৰ চিলাসুঁতিস্থিত তাম্ৰেশ্বৰী আইথানত অনুষ্ঠিত হৈছে 115 বছৰীয়া দুৰ্গা পূজা ৷ মিচিং, বড়ো, নেপালী, বঙালী, সোণোৱাল আদি বিভিন্ন জনগোষ্ঠীৰ লোকে দশকজুৰি দুৰ্গা পূজা উদযাপন কৰি অহা এই পূজাথলীত এইবাৰ নাই পূৰ্বৰ উচাহ ৷ দশকজুৰি পূজা উদযাপন হৈ অহা তাম্ৰেশ্বৰী আইথানত এইবাৰ ক'ভিড 19 সম্পৰ্কীয় নীতি নিয়ম মানি পূজাৰ অনুষ্টুপীয়া আয়োজন পৰিলক্ষিত হৈছে ৷ লগতে পূজাৰ বাকৰিত ওলমি ৰৈছে ক'ভিড প্ৰটকলৰ বেনাৰ ৷

উল্লেখ্য যে পূজাৰ মাংগলিক সামগ্ৰী দান কৰি বিশিষ্ট সমাজ সেৱক মাধৱ মুচাহাৰীয়ে আইৰ ওচৰ ৰাইজৰ মংগল কামনা কৰে ৷ উদযাপন সমিতিয়ে সংবাদ মাধ্যমৰ আগত সদৰী কৰা তথ্য অনুসৰি চৰকাৰী নীতি নিৰ্দেশনা সমূহৰ মাজতে পৰম্পৰাগত নিয়ম মানি চলি সপ্তমীত বেল,মহাষ্টমীত হাঁহ,পাৰ আৰু ছাগলী আৰু মহানৱমীত ম'হৰ বলি বিধান চলিব ৷

লগতে পঢ়ক:ক’ৰণা মহামাৰীৰ বাবে হাফলঙত অনুষ্টুপীয়াকৈ দুৰ্গা পূজা পালন