জোনাই, ২১ মে’:আজি আন্তৰ্জাতিক চাহ দিৱস ৷ চাহ উদ্যোগৰ সৈতে জড়িত প্ৰতিগৰাকী ব্যক্তিৰ বাবে এই দিনটোৰ বিশেষ তাৎপৰ্য আছে ৷ কিন্তু লক ডাউনে বিপৰ্যয় নমাই অনা ক্ষুদ্ৰ চাহ খেতিয়ক তথা বাগিছাৰ লগত জড়িত দিন হাজিৰা কৰা শ্ৰমিকসকলৰ এতিয়া আলৈ-আথানি ৷ বিগত দুমাহত 1ৰ পৰা 2 হাত পৰ্যন্ত চাহ গছৰ সৰু সৰু ডালসমূহ কাটি পেলাবলগীয়াত পৰিছে বাগিছাৰ কৰ্মচাৰীসকলে, যাৰ ফলত যথেষ্ট লোকচানৰ সন্মুখীন হ’বলগীয়াত পৰিছে তেওঁলোক ৷
চাহ শ্ৰমিকৰ মনলৈ আশাৰ সঞ্চাৰ কিন্তু এতিয়া পুনৰ নতুন চাহ গছৰ কলিসমূহ অহাৰ বাবে মনত আশাৰ সঞ্চাৰ আহিছে চাহকৰ্মীসকলৰ ৷ আগন্তুক এসপ্তাহৰ ভিতৰত ধেমাজিৰ এখন ক্ষুদ্ৰ জৈৱিক বাগিছা হিচাপে পৰিচিত মহেশ্বৰী টি ইষ্টেটৰ লগত জড়িত প্ৰায় 40টা পৰিয়ালৰ পুনৰ ভাত মুকলি হ’ব বুলি জানিব পৰা গৈছে ৷ যোৱা দুমাহৰ ভিতৰত কেইটামান দিনহে একোগৰাকী শ্ৰমিকে কাম পাইছিল, যাৰ ফলত যথেষ্ট অভাৱৰ মাজেৰে দিন পাৰ কৰিব লগা হৈছে বুলি চাহ কৰ্মীসকলে দুখ প্ৰকাশ কৰে ৷
লগতে পঢ়ক:ছোনিয়াৰ গান্ধীৰ বিৰুদ্ধে গোচৰ ৰুজু : কংগ্ৰেছৰ গৰিহণা
