Murder at Jonai: ৰাস চাই ঘৰলৈ উভতি নাহিল কালিং

জোনাইৰ উদয়পুৰত অঘটন ৷ ৰাস চাবলৈ যাওঁতেই কোনো দুষ্কৃতিকাৰীয়ে নৃশংসভাৱে হত্যা কৰে এজন ছাত্ৰক (Murder at Jonai)৷ মৃত ছাত্ৰজনৰ নাম কালিং ময়ং (১৮) বুলি জানিব পৰা গৈছে ৷

জোনাই, ৮ নৱেম্বৰ :ৰাজ্যত আকৌ হত্যাকাণ্ড ৷ এইবাৰ জোনাইত সংঘটিত এটা হত্যাকাণ্ডই সৃষ্টি কৰিছে চাঞ্চল্যৰ ৷ মঙলবাৰে পুৱতি নিশা জোনাইৰ উদয়পুৰত ক্ষত-বিক্ষত অৱস্থাত উদ্ধাৰ কৰা হয় এজন ছাত্ৰৰ মৃতদেহ (Murder at Jonai) ৷ নৃশংসভাৱে হত্যা কৰি যুৱকজনক পেলাই থৈ যোৱা হৈছে বুলি সন্দেহ কৰিছে প্ৰত্যক্ষদৰ্শীয়ে ।

মৃত ছাত্ৰজন জোনাই জোনবৰ গাঁৱৰ কালিং ময়ং (১৮) বুলি জানিব পৰা গৈছে ৷ মৃত যুৱকজন হৈছে জোনাই লিচাং জুনিয়ৰ কলেজৰ দ্বাদশ শ্ৰেণীৰ ছাত্ৰ ৷ তথ্য অনুসৰি, কালিং ময়ঙে সোমবাৰে সন্ধিয়া ৰাস চোৱাৰ উদ্দেশ্যেৰে ঘৰৰ পৰা ওলাই গৈছিল ।

গোটেই নিশাটো ঘৰলৈ নহাত চিন্তিত হৈ পৰিছিল কালিঙৰ পৰিয়ালটো ৷ কিন্তু অতি ৰহস্যজনকভাৱে যোৱা নিশা প্ৰায় ১ বজাত জোনাইৰ উদয়পুৰৰ এটা ৰাস্তাত স্থানীয় লোকে প্ৰত্যক্ষ কৰে যুৱকজনৰ মৃতদেহ (Brutally murdered a student at Jonai) ৷

লগতে পঢ়ক :Man kills wife: ৰূপহীহাটত স্বামীয়ে ঘপিয়াই হত্যা কৰিলে পত্নীক

তাৰ পাচতে স্থানীয় লোকে খবৰ দিয়ে মৃত কালিং ময়ঙৰ পৰিয়ালৰ লোকক ৷ খবৰ পোৱাৰ মাত্ৰেই ঘটনাস্থলীত উপস্থিত হয় কালিং ময়ঙৰ পৰিয়ালৰ লোক ৷ মঙলবাৰে পুৱা তেজেৰে লুতুৰি-পুতুৰি হৈ ৰাস্তাত পৰি থকা অৱস্থাত উদ্ধাৰ কৰা হয় যুৱকজনৰ মৃতদেহ (Death body Rescued at jonai)।

ৰাস চাই ঘৰলৈ উভতি নাহিল কালিং

যুৱকজনক কোনোবা দুষ্কৃতিকাৰীয়ে নৃশংসভাৱে হত্যা কৰি পেলাই থৈ যোৱাৰ সন্দেহ কৰিছে পৰিয়ালৰ লগতে স্থানীয় লোকে । ইতিমধ্যে ঘটনাস্থলীত জোনাই আৰক্ষী উপস্থিত হৈ তদন্ত আৰম্ভ কৰিছে । মৃত কালিং ময়ঙৰ বন্ধু তথা একে গাঁৱৰে যুৱক মেতিন পাতিৰক তদন্তৰ বাবে জোনাই আৰক্ষীয়ে আটক কৰিছে ।

ইফালে মৃত যুৱকজনৰ কাষতে আৰক্ষীয়ে উদ্ধাৰ কৰিছে এটা ম’বাইল ফোন । ঘটনা সন্দৰ্ভত উচিত তদন্ত কৰি বিহীত ব্যৱস্থা গ্ৰহণৰ দাবী কৰিছে পৰিয়ালৰ লোকে ।

লগতে পঢ়ক :Mother killed daughter: পুত্ৰ স্নেহত অন্ধ হৈ কন্যাৰ প্ৰাণ ল’লে মাতৃয়ে