জোনাইৰ বান-গৰাখহনীয়া অঞ্চল পৰিদৰ্শন ভূৱন পেগুৰ

জোনাই মহকুমাৰ কেইবাটাও বান-গৰাখহনীয়া অঞ্চলত পৰিদৰ্শন কৰে বিধায়ক ভূৱন পেগুৱে ৷ বান-গৰাখহনীয়া প্ৰতিৰোধৰ বাবে যৎপৰোনাস্তি চেষ্টা চলোৱা হ’ব বুলি উল্লেখ কৰে বিধায়ক গৰাকীয়ে ৷

জোনাই,28 মে’:বৃহস্পতিবাৰে জোনাইৰ চেঙাজান, বেৰাচাপৰি অঞ্চল পৰিদৰ্শন কৰে বিধায়ক ভূৱন পেগুৱে ৷ জোনাই মহকুমাৰ কেইবাটাও বান গৰাখহনীয়া অঞ্চলত পৰিদৰ্শন কৰি গৰাখহনীয়া অঞ্চলৰ পৰিস্থিতি বুজ লয় বিধায়ক ভূৱন পেগুৱে ৷

জোনাই মহকুমাৰ বান গৰাখহনীয়া অঞ্চলত পৰিদৰ্শন ভূৱন পেগুৰ

আনকি বিধায়ক গৰাকীয়ে জোনাই বেৰাচাপৰিত নিৰ্মাণ হৈ থকা মথাউৰি পৰিদৰ্শক কৰি জোনাই সমষ্টিৰ সমস্যা সমূহ তাৎক্ষণিক নিয়ন্ত্ৰণ কৰাৰ বাবে যৎপৰোনাস্তি চেষ্টা চলোৱা হ'ব বুলি মন্তব্য প্ৰকাশ কৰে ৷ জোনাইত গৰাখহনীয়া প্ৰতিৰোধ কৰিবৰ বাবে প্ৰায় ৫০ কোটি টকীয়া এক আঁচনি প্ৰয়োজন হ’ব বুলি সদৰি কৰে বিধায়ক ভূৱন পেগুৱে ৷

আনহাতে, ঐৰামঘাটৰ পৰা গালী ঘাট, চেঙাজান জোনাই মহকুমাৰ বান-খহনীয়াৰ সমস্যাৰ শীঘ্ৰে সমাধানৰ ব্যৱস্থা গ্ৰহণ কৰিবলৈ অসম চৰকাৰৰ জলসম্পদ বিভাগৰ মন্ত্ৰীৰ সৈতে যাৱতীয় আলোচনা কৰিব বুলিও উল্লেখ কৰে বিধায়ক গৰাকীয়ে ৷

লগতে পঢ়ক:ক'ভিড নিয়ন্ত্ৰণৰ বাবে মঙলদৈত সষ্টম আৰক্ষী প্ৰশাসন