জোনাইত ব্ৰাউন চুগাৰসহ আটক এজন

ব্ৰাউন চুগাৰ সহ জোনাইত আটক হৈছে মোৱাৰক আলী নামৰ এজন লোক ৷ যুৱকজনৰ পৰা ১০ গ্ৰাম ব্ৰাউন চুগাৰ, চিৰিঞ্জ তিনিটা, চাৰিটা লাইটাৰ আৰু ড্ৰাগছ ভৰ্তি কন্টেইনাৰ উদ্ধাৰ কৰে আৰক্ষীয়ে ৷

জোনাই, ২১ ডিচেম্বৰ :জোনাইত ব্ৰাউন চুগাৰ সহ আটক হৈছে এজন লোক ৷ জোনাই মহকুমা ভাৰপ্ৰাপ্ত আৰক্ষী বিষয়া ভীমকান্ত পেগুৰ নেতৃত্বত এক গোপন সূত্ৰৰ পম খেদি আটক কৰা হয় লোকজনক ৷ সোমবাৰে আৰক্ষীয়ে জোনাই ফ্ৰান্সিলিয়ান স্কুলৰ সমীপত এটা ঘৰত ৰঙৰ কাম কৰি থকা যুৱকজনক আটক কৰিবলৈ সক্ষম হোৱাৰ লগতে যুৱকজনৰ পৰা ১০ গ্ৰাম ব্ৰাউন চুগাৰ জব্দ কৰে ৷ আৰক্ষীয়ে আটক কৰা যুৱকজন ২নং মূৰ্কংচেলেকৰ ৰিফিউজি কেম্পৰ মোৱাৰক আলী(২০) বুলি জানিব পৰা গৈছে ৷

জোনাইত ব্ৰাউন চুগাৰ উদ্ধাৰঃ আটক এজন

যুৱকজনৰ পৰা ১০ গ্ৰাম ব্ৰাউন চুগাৰ, চিৰিঞ্জ তিনিটা, চাৰিটা লাইটাৰ আৰু ড্ৰাগছ ভৰ্তি কন্টেইনাৰ উদ্ধাৰ কৰে আৰক্ষীয়ে ৷ আটক কৰা যুৱকজনে আৰক্ষীৰ আগত জোনাইৰ লাইমেকুৰী গাঁৱৰ আৱতানি নামৰ লোকজনৰ পৰা ড্ৰাগছখিনি ক্ৰয় কৰা বুলি স্বীকাৰ কৰে ৷ ইয়াৰ পিছতে আৰক্ষীৰ দলটোৱে ড্ৰাগছ সৰবৰাহকাৰী আৱতানি নামৰ লোকজনৰ লাইমেকুৰীস্থিত ঘৰত তালাচী চলায় যদিও লোকজনে আৰক্ষী অহাৰ খবৰ পাই পলায়ন কৰে ৷ জোনাই আৰক্ষীয়ে ভাৰতীয় দণ্ডবিধি আইনৰ US-22(b)/27(a)NDPS ধাৰাৰ অধীনত 147/২০২০ নম্বৰ গোচৰ পঞ্জীয়ন কৰি তদন্ত অব্যাহত ৰাখিছে ৷

লগতে পঢ়ক : নলবাৰীৰ কছুৱাত অগ্নিকাণ্ডত ভস্মীভূত বাসগৃহ