ধেমাজি, 10 আগষ্ট : কৰ'ণাসৃষ্ট পৰিৱেশৰ মাজতে সোমবাৰে ধেমাজি জিলাত শতাধিক লোকে প্ৰতিবাদ সাব্যস্ত কৰে ৷ ধেমাজি সদৰত ব্লক কংগ্ৰেছৰ উদ্যোগত মানৱ শৃংখল কাৰ্যসূচীৰ জৰিয়তে এই প্ৰতিবাদ সাব্যস্ত কৰা হয় ৷ ENVIRONMENT IMPACT ASSESMENT 2020চমুকৈEIAপ্ৰত্যাহাৰৰ দাবীত এই প্ৰতিবাদ সাব্যস্ত কৰে প্ৰতিবাদকাৰী সকলে ৷ হাতে হাতে বেনাৰ, প্লে'কাৰ্ড লৈ প্ৰতিবাদকাৰীয়ে বন ধংসৰ বিৰোধিতা কৰে ৷
আনহাতে, প্ৰতিবাদস্থলীৰ পৰাই জিলা কংগ্ৰেছৰ সভাপতি নিতু বৰগোঁহাইয়ে কয় যে, অসমৰ বনাঞ্চলত উদ্যোগ বঢ়াবৰ কাৰণে চৰকাৰে ষড়যন্ত্ৰ কৰিছে । গতিকে, বন সম্পদ যাতে সুৰক্ষিত হৈ থাকে তাৰ বাবে চৰকাৰক এই খচৰাখন প্ৰত্যাহাৰ কৰিবলৈ দাবী জনাইছে প্ৰতিবাদকাৰীসকলে ৷
EIA প্ৰত্যাহাৰৰ দাবীত ধেমাজিত ব্লক কংগ্ৰেছৰ মানৱ শৃংখল উল্লেখ্য যে, কেন্দ্ৰীয় বন, জলবায়ু আৰু পৰিৱেশ মন্ত্ৰণালয়ৰ তৰফৰ পৰা নতুন উদ্যোগ স্থাপন কৰাৰ বাবে EIA (Environment Impact Assessment) আইন কাৰ্যকৰী কৰিব বিচাৰিছে ৷ এই নতুন আইনখন পূৰ্বৰ কেতবোৰ কঠোৰ নীতি-নিয়মক সম্পূৰ্ণৰূপে সলনি কৰি প্ৰস্তুত কৰা হৈছে ৷ কেন্দ্ৰীয় চৰকাৰে নতুন উদ্যোগ স্থাপন কৰাৰ বাবে পৰিৱেশৰ প্ৰভাৱ মূল্যায়ন আইন (Environment Impact Assessment) কাৰ্যকৰী কৰাক কেন্দ্ৰ কৰি ইতিমধ্যে ৰাজ্যত আইনখনৰ বিৰোধিতা আৰম্ভ হৈছে । বিভিন্ন দল-সংগঠনৰ লগতে বিৰোধী দলসমূহে এই আইনখনৰ বিৰোধিতা কৰা দেখিবলৈ পোৱা গৈছে ।
অভিযোগ অনুসৰি, এই আইন প্ৰযোজ্য হ’লে সুবিধা লাভ কৰিব পাৰিব বণিয়া গোষ্ঠীয়ে ৷ থলুৱাৰ হাতত আৱদ্ধ থকা সম্পদৰ অধিকাৰৰ ক্ষেত্ৰতো এই আইনে হস্তক্ষেপ কৰিব ৷ সীমান্তৰ সমীপত 100 কিল’মিটাৰ দুৰত্বত পথ নিৰ্মাণত নৰজিব ৰাইজৰ কোনো ওজৰ-আপত্তি বা প্ৰশ্ন ৷ তদুপৰি পাইপলাইন স্থাপনত কোনো প্ৰশ্ন উত্থাপন কৰিব নোৱাৰিব ৰাইজে ৷
লগতে পঢ়ক : বিদ্যুতৰ যোগান নিয়মীয়াকৰণৰ দাবীৰে যোৰহাটত আছুৰ প্ৰতিবাদ
