জোনাই, ১৯ মে':জোনাই ৰাজহ চক্ৰৰ অন্তৰ্গত মুনমুনি মাজিআলি চাপৰিত পুনৰ গো-পালক আৰু খেতিয়কৰ মাজত ভূমি বিবাদক লৈ বৃহস্পতিবাৰে সৃষ্টি হয় সংঘাত (Land Conflict in Jonai) । জানিবপৰা অনুসৰি জোনাই ৰাজহ চক্ৰৰ অন্তৰ্গত মুনমুনি মাজিআলি চাপৰিৰ চৰ অঞ্চলৰ অসংৰক্ষিত অৱস্থাত থকা প্ৰায় ২৯২০ বিঘা ভূমি চৰকাৰীভাৱে জৰীপ কৰাৰ উদ্দেশ্যে লাট মণ্ডলৰ লগতে ভূমি জৰীপ বিভাগৰ এটা দলে বৃহস্পতিবাৰে যাত্ৰা কৰে ।
কিন্তু একাংশ গো-পালকে জৰীপ কৰিবলৈ ওলোৱা বিষয়াক ফোনযোগে ভূমি জৰীপ কৰিবলৈ বাধা প্ৰদান কৰাত পুনৰ ঘূৰি যাবলগীয়া হয় বুলি জানিবলৈ দিয়ে । উল্লেখযোগ্য যে, দীৰ্ঘদিনৰ পৰা উক্ত ভূমিক লৈ গো-পালক আৰু খেতিয়কৰ মাজত সৃষ্টি হৈ আহিছে বিভিন্ন সংঘাত (Allegations of land encroachment) ।
তেনে সময়তে বৃহস্পতিবাৰে পুনৰ গো-পালকসকলে ভূমি জৰীপ কাৰ্যক বাধা প্ৰদান কৰাত শতাধিক খেতিয়কে গালী ঘাটত গোট খাই বিভিন্ন শ্লোগানেৰে উত্তাল কৰি তোলে (Land Dispute case in Jonai) । ইফালে ভূমি জৰীপত ফোনযোগে বাধা প্ৰদান কৰা ব্যক্তিসকলক উচিত শাস্তি প্ৰদান কৰাৰ লগতে অতি শীঘ্ৰে অসংৰক্ষিত অৱস্থাত থকা মুনমুনি মাজিআলি চাপৰিৰ ভূমি পুনৰ চৰকাৰীভাৱে জৰীপ কৰি দীৰ্ঘ দিনীয়া সমস্যা সমাধান কৰি দিবলৈ অসম চৰকাৰৰ মুখ্যমন্ত্ৰীৰ লগতে ধেমাজি জিলা আৰু জোনাই মহকুমা প্ৰশাসনক দাবী উত্থাপন কৰে খেতিয়ক ৰাইজে (Jonai Land Dispute) ।