জোনাই, ২ জুন :বুধবাৰে ধেমাজী জিলাৰ জোনাইত আৰক্ষীয়ে আটক কৰিছে তিনিজন বাইক চোৰক ৷ আটক কৰা বাইক চোৰৰ কৱলৰ পৰা উদ্ধাৰ কৰে এখন ৰয়েল এনফিল্ড মটৰ চাইকেল ৷ বুধবাৰে পুৱাৰ ভাগত জোনাই আৰক্ষীয়ে গোপন সূত্ৰৰ পম খেদি জোনাই নেপালী বস্তিৰ সমীপত এখন চুৰি বাইক বিক্ৰীৰ বাবে অনা বুলি গম পাই অভিযান চলাই তিনিজন যুৱকক আটক কৰে ৷
জোনাইত আটক তিনি বাইক চোৰ: উদ্ধাৰ ৰয়েল এলফিল্ড
যুৱক কেইজনৰ পৰা এখন ৰয়েল এনফিল্ড মটৰ চাইকেল উদ্ধাৰ কৰে আৰক্ষীয়ে ৷ যুৱক কেইজনে অৰুণাচল প্ৰদেশৰ পাচিঘাটৰ পৰা এনফিল্ড মটৰ চাইকেল চোৰ কৰি আনি জোনাইত বিক্ৰী কৰিব বিচাৰিছিল ৷ আটক কৰা যুৱক কেইজন হ’ল অৰুণাচল ঙৰলুং গাঁৱৰ নিবাসী তানি পায়েঙৰ পুত্ৰ তাবাং পায়েং, চিবুট গাঁৱৰ নিৱাসী তাবাং জা'মৰ পুত্ৰ নাকু জা’ম, আৰু তনং তাচুঙৰ পুত্ৰ কিলিনটন তাচুং ৷