জোনাইত বৃহৎ পৰিমাণৰ গাঞ্জাসহ আটক এজন

ধেমাজি জিলাৰ জোনাইত বুধবাৰে নিশা বৃহৎ পৰিমাণৰ গাঞ্জাসহ আটক এজন গাঞ্জা সৰবৰাহকাৰী ৷ আটকাধীন লোকজন কিশোৰ মিলি বুলি চিনাক্ত ৷

জোনাই 21 জুন : জোনাই চিমেন চাপৰি আৰক্ষী থানা আৰু জোনাই আৱকাৰী বিভাগে যুটীয়াভাৱে বুধবাৰে নিশা জোনাই লাইমেকুৰীৰ টাকু গিটুং গাঁৱৰ কিশোৰ মিলি নামৰ এজন লোকৰ ঘৰত অভিযান চলায় ৷ অভিযানৰ সময়ত আৰক্ষীয়ে কিশোৰ মিলিৰ ঘৰৰ পৰা প্ৰায় 2 কেজি গাঞ্জাৰ লগতে গাঞ্জা খোৱাৰ কিছুমান সামগ্ৰী উদ্ধাৰ কৰে ৷ আৰক্ষীয়ে কিশোৰ মিলিক জোনাই আদালতত হাজিৰ কৰোৱাই ৷ জোনাই আদালতে কিশোৰ মিলিক জেললৈ প্ৰেৰণ কৰে বুলি জানিব পৰা গৈছে ৷