জোনাইত ক'ভিড আক্ৰান্ত শিশুৰ সংখ্যা বৃদ্ধি

জোনাইত ক'ভিড আক্ৰান্ত শিশুৰ সংখ্যা বৃদ্ধি ৷ 53 টা শিশু ক'ভিডত আক্ৰান্ত হৈছে ৷ জোনাইত 44436 গৰাকীক ৰেপিড টেষ্ট কৰা হৈছে ৷ বৰ্তমান 551 জনলৈ বৃদ্ধি ক’ভিড আক্ৰান্ত ৰোগীৰ সংখ্যা ৷

জোনাই , 15 জুলাই :দেশৰ লগতে ৰাজ্যৰ ভিন্ন প্ৰান্তত দেখিবলৈ পোৱা গৈছে ক’ভিডৰ ভয়াৱহ সংক্ৰমণ ৷ কোনো কোনো ঠাইত ভয়াৱহভাৱে ক’ভিডৰ সংক্ৰমণ বৃদ্ধি পাইছে যদিও বৰ্তমান সংক্ৰমণ হ্ৰাস পোৱা দেখিবলৈ পোৱা গৈছে ভালে সংখ্যক ঠাইত ৷ জোনাইত সামগ্ৰিক বাবে ক’ভিড পৰিস্থিতি কিছু উন্নত হৈছে যদিও দৈনিক ৰেপিড টেষ্টত ধৰা পৰিছে ক’ভিড ৰোগী ৷ জোনাইত চহৰতকৈ গাঁও অঞ্চলত বৃদ্ধি পাইছে ক’ভিড আক্ৰান্তৰ সংখ্যা ৷

জোনাইত 44436 গৰাকীক ৰেপিড টেষ্ট কৰা হৈছে ৷ বৰ্তমানলৈকে ক’ভিড পজিটিভৰ সংখ্যা 551 জনলৈ বৃদ্ধি হৈছে ৷ ইয়াৰে বৰ্তমান ক’ভিড কেয়াৰত চিকিৎসাধীন হৈ থকা ক’ভিড ৰোগীৰ সংখ্যা 94, গৰাকী ৷ সম্পূৰ্ণ ৰূপে আৰোগ্য হৈছে 455 গৰাকী ৰোগী ৷ জোনাইৰ মহকুমা স্বাস্থ্য বিষয়া ডাঃ কিশোৰ কামানে জানিবলৈ দিয়ে এইসমূহ তথ্য ৷

আনহাতে, সম্প্ৰতি ক’ভিড-19 অতিমাৰীৰ আতংকত সমগ্ৰ ৰাজ্যৰ লগতে জোনাই মহকুমাটো বিশেষকৈ 18 বছৰৰ তলৰ কিশোৰ আৰু শিশুসকল এইবাৰৰ ক'ভিড ঢৌত বাৰুকৈয়ে আক্ৰান্ত হৈছে । পৰৱৰ্তী সময়ত মূলতঃ শিশুসকল এই ৰোগৰ ব্যাপক চিকাৰ হ'ব পাৰে বুলি সাৱধান বাণী শুনাইছে চিকিৎসা বিশেষজ্ঞসকলে । এনে পৰিস্থিতিত সষ্টম হৈ পৰিছে স্বাস্থ্য বিভাগ । জোনাই মহকুমাটো কিশোৰ আৰু শিশুসকল এই ৰোগত আক্ৰান্ত হোৱাৰ পৰিসংখ্যা শংকাজনক । উল্লেখ্য যে, মহকুমাটোত মূঠ শিশু ক'ভিডত আক্ৰান্ত 53 গৰাকী, 9 গৰাকী শিশু ক’ভিড কেয়াৰত চিকিৎসাধীন হৈ আছে ৷

সাময়িকভাৱে জোনাই মহকুমা স্বাস্থ্য বিষয়া ডাঃ কিশোৰ কামানে অভিভাৱকসকলক নিজ নিজ সন্তানক লৈ বিশেষভাৱে সজাগ হ'বলৈ আহবান জনাইছে । পৰাপক্ষত ঘৰৰ পৰা বাহিৰলৈ নোযোৱা, মাস্ক পৰিধান কৰা, চেনিটাইজাৰৰ ব্যৱহাৰ, হাত ধোৱা আৰু চাফ-চিকুণতা আদি কঠোৰভাৱে পালন কৰিবলৈ আহবান জনাইছে জোনাই মহকুমা স্বাস্থ্য বিভাগে । বৰ্তমান শিশু সকলৰ বাবে অধিক তৎপৰ হৈ পৰিছে চিকিৎসক তথা অভিভাৱক সকল ৷

সমগ্ৰ দেশৰ চিকিৎসা বিশেষজ্ঞসকলে সকীয়াই দিছে যে, ভাৰতত ক'ভিড-১৯ ৰ তৃতীয় ঢৌৰ সংক্ৰমণ আৰম্ভ হ'বলৈ বেছি সময় নাই ৷ যদি ভৱিষ্যতবাণীবোৰ সঁচা হয়, তেন্তে অক্টোবৰ মাহৰ ভিতৰত মহামাৰীয়ে দেশৰ বেছি অংশ সংক্ৰমিত কৰিব । শনিবাৰে AIIMS ৰ সঞ্চালক ড৹ ৰণদীপ গুলেৰিয়াই জানিবলৈ দিয়ে যে, ক'ভিডৰ তৃতীয় ঢৌৰ সংক্ৰমণ হোৱাটো নিশ্চিত আৰু এই তৃতীয় ঢৌৰ সংক্ৰমণ পৰৱৰ্তী 6-8 সপ্তাহৰ ভিতৰত দেশত আৰম্ভ হোৱাৰ সম্ভাৱনা আছে । ক'ভিড-১৯ ৰ তৃতীয় ঢৌৱে জনস্বাস্থ্যৰ প্ৰতি ভাবুকি আনিব আৰু বিশেষকৈ এক বছৰতকৈ কম বয়সৰ শিশুসকলৰ বাবে ই বিপদ মাতি আনিব ।

লগতে পঢ়ক:ক'ভিড 19: দেশত আক্ৰান্ত আৰু মৃত্যুৰ শেহতীয়া তথ্য