প্ৰচণ্ড ধুমুহাৰ ফলত বিস্তৰ ক্ষতিৰ সন্মুখীন জোনাইবাসী

ধুমুহা বতাহ জাকে জোনাই সদৰৰ মুৰ্কংচেলক টাউন হাইস্কুলৰ বিদ্যালয়গৃহৰ মূধচৰ টিনপাত বিধ্বস্ত কৰি উৰুৱাই নিয়ে ৷

জোনাই, ৯ মেঃধেমাজি জিলাৰ জোনাই মহকুমাত শুকুৰবাৰে সন্ধিয়া অহা এজাক ধুমুহাই বিভিন্ন অঞ্চলত বিস্তৰ ক্ষতি সাধন কৰে ৷ ধুমুহা বতাহ জাকে জোনাই সদৰৰ মুৰ্কংচেলক টাউন হাইস্কুলৰ বিদ্যালয়গৃহৰ মূধচৰ টিনপাত বিধ্বস্ত কৰি উৰুৱাই নিয়ে ৷ আনহাতে অঞ্চলটোৰ বহু কৃষকৰ বিশেষকৈ গোমধানৰ লগতে ৰবিশস্যৰ বিস্তৰ ক্ষতি হয় ৷ জোনাইৰ শিমলুগুৰিত ঘৰ ভাঙি পৰাত কোনো মতে প্ৰাণ ৰক্ষা পৰে গনেশ্বৰ কুলিৰ পৰিয়ালে ৷ লগতে শুকুৰবাৰে সন্ধিয়া অহা ধুমুহাজাকে তৰাজান গাঁৱৰ কেবাটাও পৰিয়ালৰ ঘৰৰ টিন, মূধচ, বেৰা আদি উৰুৱাই নিয়ে ৷