ধেমাজিত তৰুণ গগৈৰ চিতাভস্মত শ্ৰদ্ধাঞ্জলি গুণমুগ্ধৰ

শুকুৰবাৰে ধেমাজিলৈ অনা হয় সদ্য প্ৰয়াত তৰুণ গগৈৰ চিতাভস্ম ৷ ধেমাজি গ্ৰামোন্নয়ন অভিকৰণ প্ৰেক্ষাগৃহত আয়োজিত শ্ৰদ্ধাঞ্জলি অনুষ্ঠানত সৰ্বধৰ্ম প্ৰাৰ্থনা সভাৰ আয়োজন কৰি শ্ৰদ্ধাঞ্জলি জনাই দলৰ নেতাকৰ্মীৰ লগতে উপস্থিত ৰাইজে ৷

ধেমাজি, 18 ডিচেম্বৰ :শুকুৰবাৰেভূতপূৰ্ব মুখ্যমন্ত্ৰী সদ্য প্ৰয়াত তৰুণ গগৈৰ চিতাভস্ম ধেমাজিলৈ অনা হয় ৷ ধেমাজি জিলা কংগ্ৰেছৰ উদ্যোগত ধেমাজি গ্ৰামোন্নয়ন অভিকৰণ প্ৰেক্ষাগৃহত আয়োজিত শ্ৰদ্ধাঞ্জলি অনুষ্ঠানত সৰ্বৃধৰ্ম প্ৰাৰ্থনা সভা আয়োজন কৰি শ্ৰদ্ধাঞ্জলি জনাই দলৰ নেতাকৰ্মীৰ লগতে উপস্থিত ৰাইজে ৷ লগতে,নাম-প্ৰসংগ আৰু দিহানামৰে আয়োজন কৰা হয় ৷

তৰুণ গগৈৰ চিতাভস্মত শ্ৰদ্ধাঞ্জলি অনুষ্ঠান

উক্ত অনুষ্ঠানত উপস্থিত থাকি সাংসদ তথা পুত্ৰ গৌৰৱ গগৈয়ে ৰাইজক উদ্দ্যশি কয় যে,পিতৃৰ সপোন তেওঁ পূৰণ কৰিব বিচাৰে ৷ প্ৰত্যেক জিলালৈ চিতাভষ্ম কঢ়িয়াই নিব গৌৰৱ গগৈয়ে ৷ জনসাধাৰণৰ বাবে বোৱনী,ৰোৱনীৰ যি সপোন দেখিছিল তাৰ বাবে দীঘলীয়া পদক্ষেপও গ্ৰহণ কৰিব গৌৰৱ গগৈয়ে ৷

তৰুণ গগৈৰ চিতাভস্মত শ্ৰদ্ধাঞ্জলি অনুষ্ঠান

উল্লেখ্য যে,অনুষ্ঠানত পুত্ৰ গৌৰৱ গগৈৰ লগতে প্ৰাক্তন মন্ত্ৰী ৰাজীৱ লোচন পেগু,প্ৰাক্তন ৰাজ্যসভাৰ সাংসদ ৰাণী নৰহকে ধৰি বহু কংগ্ৰেছী নেতাকৰ্মী আৰু অসংখ্য গুণমুগ্ধ উপস্থিত থাকে ৷

ইপিনে,ধেমাজিত শ্ৰদ্ধাঞ্জলি জনোৱাৰ পিচতেই প্ৰাক্তন মুখ্যমন্ত্ৰী গৰাকীৰ চিতাভস্ম লখিমপুৰৰ ৰঙানদীত বিসৰ্জন দিয়া হয় ৷

লগতে পঢ়ক :নগাঁৱত 9 নৱেম্বৰৰ পৰাই সন্ধানহীন 7 বছৰীয়া পুত্ৰসহ মাতৃ