দুষ্কৃতিকাৰীৰ কৱলত পৰি নিঃশেষ হোৱাৰ উপক্ৰম ধেমাজিৰ জীয়াঢলৰ সংৰক্ষিত বনাঞ্চল

ধেমাজি বনসংমণ্ডলৰ অধীনৰ জীয়াঢলৰ সংৰক্ষিত বনাঞ্চলৰ শান্তিপুৰ আৰু বালিচৰি অঞ্চলৰ একাংশ ঠাই এতিয়া দুষ্কৃতিকাৰীৰ কবলত পৰি ধ্বংসৰ গৰাহলৈ পৰ্যবসিত হৈছে ৷ দুষ্কৃতিকাৰীয়ে দিনে নিশাই অব্যাহত ৰাখিছে বন ধবংসলীলা ৷ বিভিন্ন ধৰণৰ মূল্যৱান গছ কাটি তহিলং দুষ্কৃতিকাৰীৰ ৷ ঘন বনাঞ্চলিক ঠাই এতিয়া ৰূপান্তৰিত হৈছে চৰণীয়া পথাৰলৈ ৷

ধেমাজি, 24 ফেব্ৰুৱাৰীঃ দুষ্কৃতিকাৰীৰ কৱলত ধেমাজিৰ জীয়াঢলৰ সংৰক্ষিত বনাঞ্চল ৷ তথাপি কাণসাৰ নাই সংশ্লিষ্ট বিভাগৰ ৷ ধেমাজি বন সংমণ্ডলৰ অধীনৰ জীয়াঢলৰ সংৰক্ষিত বনাঞ্চলৰ শান্তিপুৰ আৰু বালিচৰি অঞ্চলৰ একাংশ ঠাই এতিয়া দুষ্কৃতিকাৰীৰ কবলত পৰি ধ্বংসৰ গৰাহলৈ পৰ্যবসিত হৈছে ৷ দুষ্কৃতিকাৰীয়ে দিনে নিশাই অব্যাহত ৰাখিছে বন ধবংসলীলা ৷ বিভিন্ন ধৰণৰ মূল্যৱান গছ কাটি তহিলং দুষ্কৃতিকাৰীৰ ৷ ঘন বনাঞ্চলিক ঠাই এতিয়া ৰূপান্তৰিত হৈছে চৰণীয়া পথাৰলৈ ৷

উল্লেখ্য যে বনাঞ্চলৰ সমীপতে আছে ধেমাজি সীমান্ত উপ আৰক্ষী চকী আৰু আনফালে বনাঞ্চলৰ মাজতে আছে বন বিভাগৰ তত্ত্বাৱধানত গঢ়ি তোলা এখন বিশাল নাৰ্চাৰী । য’ত নিয়োজিত হৈ আছে বনকৰ্মী ৷ কিন্তু আশ্চৰ্যজনক আৰু উদ্বেগৰ বিষয় যে আৰক্ষী আৰু বনকৰ্মীয়ে দিনে নিশাই দৃষ্টি ৰখাৰ পিছতো কেনেকৈ সংঘটিত হৈছে বন ধংস কাৰ্য ৷ ইয়াকে লৈ প্ৰশ্ন উত্থাপিত কৰিছে সচেতন মহলে ৷

আৰু পঢ়কঃগ্ৰাহকৰ বেশেৰে দোকানৰ পৰা চোৰে লুটিলে লক্ষাধিক টকাৰ সামগ্ৰী