নলবাৰী, 9 নৱেম্বৰ : বড়োসকলৰ জীৱিকা উপাৰ্জনৰ অন্যতম অংগ হৈছে এৰী পলু পালন । এই এৰী পলু পালন অতীতৰ পৰাই পৰম্পৰাগতভাৱে চলি আহিছে বড়ো সমাজত । আজিও বড়ো সমাজৰ প্ৰায়বোৰ গাঁৱতে দেখিবলৈ পোৱা যায় এৰী পলু পালন ৷
এৰী পালনো হ’ব পাৰে জীৱন জীৱিকাৰ মূলপথ
নলবাৰী জিলাৰ উত্তৰ দিশে অৱস্থিত হাঁহডলি গাঁও কোনো ব্যতিক্ৰম নহয় ৷ হাঁহডলি গাঁৱৰ প্ৰতিঘৰ বড়োলোকে এৰী পলু পালন কৰি চলাই গৈছে জীৱন জীৱিকা। এৰী পলুৰ পৰা এই সকল লোকে এৰী সূতা, এৰীৰ কপাহ তৈয়াৰ কৰে ৷
কিন্তু এই এৰী সূতা অথবা কপাহৰ কষ্ট অনুযায়ী এই বড়ো লোকসকলে নাপায় বজাৰত উচিত চাহিদা । চৰকাৰেও বড়ো সমাজৰ এই সকল এৰী পলু পালকৰ ক্ষেত্ৰত কোনো আঁচনি হাতত লৈ ফলপ্ৰসূ হোৱা দেখা নগ’ল । উল্লেখ্য যে, এৰী পলু পালনৰ দ্বাৰা স্বাৱলম্বী হ’ব পাৰে যদিও চাহিদা কম হোৱা হেতুকে এই সকল লোক যথেষ্ট অসুবিধাৰ সম্মুখীন হ’ব লগা হৈছে ।