ৰাজ্যিক মৰ্যদাৰে ঘুনাসূঁতিত শেষকৃত্য সম্পন্ন ড0 টাবুৰাম টাইডৰ

জন্মস্থান গোগামুখৰ ঘুনাসূঁতিত জনসমুদ্ৰৰ মাজত ৰাজ্যিক ময’দাৰে শেষকৃত্য সম্পন বিশিষ্ট শিক্ষাবিদগৰাকীৰ

গোগামুখ, 18 আগষ্ট : "আগম মিগাং" তথা বিশিষ্ট শিক্ষাবিদ, ভাষাবিদ, গৱেষক ড' টাবুৰাম টাইডৰ নশ্বৰদেহ দেওবাৰে গুৱাহাটীৰ পৰা ঘুনাসুঁতি হৈ গোগামুখলৈ আনে | হেলিকাপ্টাৰেৰে গোগামুখৰ মহৰিকেম্প খেলপথাৰত অৱতৰণ কৰে আৰু তাৰে পৰা ফুলেৰে সু-সজ্বিত বিশেষ বাহনেৰে গোগামুখৰ মিচিং মুৰংঘৰ আৱতানি লত্তালৈ সমদল কৰি লৈ অহা হয় শিক্ষাবিদজনৰ নশ্বৰ দেহ | মিচিং সমাজৰ পিতামহস্বৰূপ টাবুৰাম টাইডৰ মৃতদেহ গোগামুখত পোৱাৰ লগে লগে ধেমাজি জিলা উপায়ুক্তই লগতে বিভিন্ন দ'ল সংগঠন, অনুষ্ঠান প্ৰতিষ্ঠানে আৰু শত সহস্ৰ গুণমুগদ্ধই উপস্থিত থাকি শেষ শ্ৰদ্ধাঞ্জলি জ্ঞাপন কৰে শি ৷ ইয়াৰ পাচতেই শ্ৰদ্ধাঞ্জলি অনুষ্ঠানৰ পৰা সমাধীস্থলিলৈ লৈ অহা হয় তেখেতৰ নশ্বৰদেহ | শোকাকোল পৰিবেশৰ মাজেৰে সম্পূৰ্ণ ৰাজ্যিক মৰ্যদাৰে শেষ-কৃত্য সম্পন্ন কৰা হয় | শেষ-কৃত্য অনুষ্ঠানত ৰাজ্য চৰকাৰৰ হৈ উপস্থিত থাকে জলসিঞ্চন ৰঞ্জিত দত্ত ৷ লগতে অনুষ্ঠানটোত উপস্থিত থাকে বিধায়ক ডা: ৰণোজ পেগু, বিধায়ক ভূৱন পেগু, বিধায়ক প্ৰশান্ত ফুকন ৷