ধেমাজিত স্বয়ম আঁচনিৰ শুভাৰম্ভ কৰিলে মন্ত্ৰী ভৱেশ কলিতাই

বুধবাৰে ধেমাজিত স্বামী বিবেকানন্দ যুৱ সৱলীকৰণ যোজনাৰ অধীনত স্বয়ম আঁচনিৰ শুভাৰম্ভ কৰে মন্ত্ৰী ভৱেশ কলিতাই ৷ এই আঁচনিৰ জৰিয়তে প্ৰথম পৰ্যায়ত হিতাধিকাৰী সকলক 30 হাজাৰ নগদ ধন প্ৰদান কৰাৰ কথা ঘোষণা কৰে মন্ত্ৰীগৰাকীয়ে ৷

ধেমাজি,27 জানুৱাৰী: ধেমাজিত স্বামী বিবেকানন্দ যুৱ সৱলীকৰণ যোজনাৰ অধীনত স্বয়ম আঁচনিৰ শুভাৰম্ভ কৰা হয় ৷ বুধবাৰে এই আঁচনিখনৰ শুভাৰম্ভ কৰে মন্ত্ৰী ভৱেশ কলিতাই ৷ ধেমাজি জিলা উন্নয়ন আয়ুক্ত দিপাংকৰ দাসে সভাৰ উদ্দেশ্য বাখ্যা কৰাৰ পিছতেই আদৰণি ভাষণ আগবঢ়ায় ধেমাজি জিলা উপায়ুক্ত নৰসিং পাৱাৰে ৷ ইয়াৰ পিছতেই মন্ত্ৰী ভৱেশ কলিতাই হিতাধিকাৰী সকলৰ মাজত এই আঁচনিৰ প্ৰতীকী চেক বিতৰণ কৰে ৷

ধেমাজিত স্বয়ম আঁচনিৰ শুভাৰম্ভ কৰিলে মন্ত্ৰী ভৱেশ কলিতাই

উল্লেখ্য যে, এই স্বয়ম আঁচনিৰ জৰিয়তে হিতাধিকাৰী সকলক প্ৰথম পৰ্যায়ত 30 হাজাৰ টকাকৈ নগদ ধন আৱন্টন দিয়া হ’ব বুলি ঘোষণা কৰে মন্ত্ৰী ভৱেশ কলিতাই ৷ জিলাখনত মুঠ হিতাধিকাৰী আছে 29,909 গৰাকী ৷ ইয়াৰে ধেমাজি আৰু জোনাই বিধানসভা সমষ্টিৰ মুঠ 755 টা গোটৰ 5614 গৰাকী হিতাধিকাৰীৰ মাজত ধন আৱন্টন কৰা হৈছে ৷

লগতে পঢ়ক-উজনি সোৱণশিৰিত চীনাৰ আগ্ৰাসনক অগ্ৰাহ্য কৰিলে মহন্ত পাংগিঙে