ধেমাজি,20 মে’:বুধবাৰে ধেমাজিৰ কাৰ্যভাৰ গ্ৰহণ কৰিলে নৱনিযুক্ত জিলা উপায়ুক্ত পি বিজয় ভাস্কৰ ৰেড্ডীয়ে ৷ যোগদান কৰাৰ পাচতেই জিলা তথ্য আৰু জনসংযোগ বিষয়াৰ জৰিয়তে জিলাখনৰ সকলো লোককে শুভেচ্ছা জনায় উপায়ুক্ত গৰাকীয়ে ৷ পৰৱৰ্তী দিনত জিলাখনৰ সামগ্ৰিক উন্নয়নৰ বাবে কাম কৰি যাবলৈ আগ্ৰহ প্ৰকাশ কৰে জিলা উপায়ুক্তগৰাকীয়ে ৷
লগতে তেওঁ কয় যে, বিভিন্ন জাতি-জনগোষ্ঠীৰে পৰিপূৰ্ণ ধেমাজি জিলাৰ সকলো লোকৰ সহযোগিতাত ক’ভিড তথা বানৰ দৰে দুৰ্যোগ হেলাৰঙে পাৰ কৰিব পাৰিব ৷ ইফালে দায়িত্বভাৰ গ্ৰহণ কৰাৰ প্ৰথম দিনটোতে উপায়ুক্তগৰাকীয়ে জিলা প্ৰশাসনৰ অন্যান্য বিষয়-ববীয়াসকলৰ সৈতে জিলাখনৰ কাম-কাজ আৰু শেহতীয়া পৰিস্থিতি সম্পৰ্কে বুজ লয় ৷