জোনাই, ২৬ ছেপ্টেম্বৰ : আগছুৰ ৰাজাখানা আঞ্চলিক সমিতি, ধেমাজি জিলা সমিতি আৰু জোনাই মহকুমা ভূমি সুৰক্ষা সমিতিৰ উদ্যোগত দেওবাৰে ৰাজাখানা উচ্চ মাধ্যমিক বিদ্যালয়ত ভূমি সমস্যাৰ সন্দৰ্ভত এক ৰাজহুৱা সভা অনুষ্ঠিত কৰা হয় । ৰাজাখানা আঞ্চলিক আগছুৰ সভাপতি সঞ্জু মগৰে সভাপতিত্ব কৰি সভাৰ উদ্দেশ্য ব্যাখ্যা কৰে ৰাজাখানা আঞ্চলিক ভূমি সুৰক্ষা সমিতিৰ সভাপতি বীৰবাহাদুৰ লিম্বুৱে ।
চাৰিবছৰ খাজানা দিয়াৰ পাছতো ভূমি অধিকাৰৰ পৰা বঞ্চিত বহু পৰিয়াল
সভাত উপস্থিত থাকি আগছুৰ ধেমাজি জিলা সমিতিৰ আইনী উপদেষ্টা ৰাজু ছেত্ৰীয়ে কয়, ৰাজাখানা অঞ্চলৰ ৰাইজে ১৯৯৫ চনৰ পৰা চাৰিবছৰ ধৰি খাজানা আদায় দি অহাৰ পাছতো ভূমি পট্টনৰ পৰা বঞ্চিত হৈ আহিছে । শেহতীয়াকৈ অসম চৰকাৰে বন অধিকাৰ আইন-২০০৬ অধীনত বনাঞ্চলত থকা জনজাতি তথা পৰম্পৰাগত বনবাসী লোকক ভূমি অধিকাৰ প্ৰদানৰ ব্যৱস্থা হাতত লৈছে ৷