ধেমাজিত তীব্ৰতৰ হৈছে নিৰ্বাচনী প্ৰচাৰ অভিযান
ধেমাজিত তীব্ৰতৰ হৈছে নিৰ্বাচনী প্ৰচাৰ প্ৰতিজন প্ৰাৰ্থীৰ বাকযুদ্ধ তুংগত উঠিছে ৷ সমাগত বিধানসভা নিৰ্বাচনক লৈ ক্ৰমান্বয়ে আকৰ্ষণীয় হৈ পৰিছে নিৰ্বাচনী প্ৰচাৰ সভা ৷ আৰম্ভ হৈছে বোকা ছটিওৱাৰ ৰাজনীতি ৷
ধেমাজি,17 মাৰ্চ:সমাগত বিধানসভা নিবাচনক লৈ ক্ৰমান্বয়ে আকৰ্ষণীয় হৈছে নিৰ্বাচনী প্ৰচাৰ সভাসমূহ ৷ আৰম্ভ হৈছে বোকা ছটিওৱাৰ ৰাজনীতি ৷ তাৰ মাজতে প্ৰতিটো ৰাজনৈতিক দলে ১১৩ নং ধেমাজি বিধানসভা সমষ্টিৰ প্ৰান্তে প্ৰান্তে নিৰ্বাচনী কাৰ্যালয় মুকলি কৰাৰ সমান্তৰালকৈ অব্যাহত ৰাখিছে প্ৰচাৰ অভিযান ৷ বুধবাৰে ধেমাজি বাটঘৰীয়া আৰু নৰোৱাথান পঞ্চায়তৰ বিভিন্ন স্থানত কেইবাখনো সৰু সৰু সভাত তৃণমূল কৰ্মীৰ সৈতে অংশ গ্ৰহণ কৰে অসম জাতীয় পৰিষদৰ প্ৰাৰ্থী চিত্তৰঞ্জন বসুমতাৰীয়ে ৷ জাতীয় পৰিষদৰ প্ৰাৰ্থীগৰাকীয়ে কংগ্ৰেছ বিজেপি দুয়োটাদলকে কঠোৰ ভাষাৰে সমালোচনা কৰি ভোটাৰ ৰাইজক আকৃষ্ট কৰাৰ প্ৰয়াস চলায় ৷ নিৰ্বাচনী প্ৰচাৰ সভাৰ অন্তত প্ৰাৰ্থীগৰাকীয়ে সাংবাদিকৰ আগত কয় যে, ধেমাজি সমষ্টিত নৰেন্দ্ৰ মোডী অথবা সৰ্বা-হিমন্ত দহবাৰ আহিলেও জাতীয়তাবাদৰ ভেটি ধেমাজি সমষ্টিত জাতীয় পৰিষদৰ প্ৰাৰ্থীক ধেমাজিবাসীয়ে বিপুল ভোটত জয়ী কৰাব বুলি দাবী কৰে ৷