ধেমাজি, 27 জুলাই : ধেমাজি জিলাৰ (Dhemaji District) গোগামুখৰ অসমীয়া প্ৰতিদিন কাকত (Pratidin Paper)ৰ সাংবাদিক (journalist) অনিৰ্বাণ বি.গোঁহাইৰ সোমবাৰে আকস্মিক মৃত্যু (Death) হয় ৷ হৃদৰোগত আক্ৰান্ত হৈ মৃত্যু হয় সাংবাদিকগৰাকীৰ ৷ ধেমাজিৰ বিভিন্ন সামাজিক-সাংস্কৃতিক অনুষ্ঠানৰ সৈতে জড়িত থকাৰ উপৰিও অসমীয়া প্ৰতিদিন কাকতৰ সাংবাদিক আছিল অনিৰ্বাণ গোঁহাই ।
অসমীয়া প্ৰতিদিন কাকতৰ সাংবাদিক তথা নাট্যকাৰ,অভিনেতা, কবি, আবৃত্তিকাৰ অনিৰ্বাণ বি গোহাঁইৰ পৰলোক প্ৰাপ্তিত গোগামুখৰ উপৰিও সমগ্ৰ ধেমাজিতে গভীৰ শোকৰ ছাঁ পৰিছে ৷ সাংবাদিক গৰাকীৰ মৃত্যুত ধেমাজি জিলা সাংবাদিক সন্থা, ধেমাজি প্ৰেছ ক্লাৱ, ধেমাজি সাহিত্য সভা, গোগামুখ প্ৰেছ ক্লাৱ, গোগামুখ গণ নাট্য বাহিনীয়ে শোক প্ৰকাশ কৰে তেখেতৰ মৃত্যুত ৷ তাৰোপৰি গোগামুখ আঞ্চলিক ছাত্ৰ সন্থা, অসম জাতীয়তাবাদী যুৱ ছাত্ৰ পৰিষদ, কৃষক মুক্তি সংগ্ৰাম সমিতিৰ সদস্য সকলো তেখেতৰ গৃহত উপস্থিত হয় ৷