ৰণোজ পেগুৰ মন্ত্ৰীত্ব লাভত উৎফুল্লিত ধেমাজিবাসী

১১৩ নং ধেমাজি বিধান সভা সমষ্টিৰ বিধায়ক ডাঃ ৰণোজ পেগুৱে কেবিনেটত স্থান পোৱাক লৈ উৎফুল্লিত ধেমাজিবাসীৰ লগতে জিলা বিজেপিৰ সকলো স্তৰৰ কৰ্মী ৷ ধেমাজি বিষ্ণু মন্দিৰত নৱ নিৰ্বাচিত মন্ত্ৰী হিচাপে স্থান পোৱা ডা৹ ৰণোজ পেগুৰ মংগল কামনা কৰি শৰাই, নৈবেদ্য আগবঢ়ায় ধেমাজি জিলা বিজেপিয়ে ৷

ধেমাজি, 10 মে':দীৰ্ঘদিনৰ বিৰতিৰ পিছত ধেমাজিবাসীয়ে পালে এজন কেবিনেট মন্ত্ৰী ৷ সোমবাৰে শপত গ্ৰহণ কৰা হিমন্ত বিশ্ব শৰ্মাৰ কেবিনেটত স্থান পালে ১১৩ নং ধেমাজি বিধান সভা সমষ্টিৰ বিধায়ক ডা৹ ৰণোজ পেগুৱে ৷ ইয়াকে লৈ উৎফুল্লিত হৈ পৰে ধেমাজিবাসীৰ লগতে জিলা বিজেপিৰ সকলো স্তৰৰ কৰ্মী ৷

ইপিনে শপতগ্ৰহণৰ সময়তে সোমবাৰে ধেমাজি জিলা বিজেপিয়ে ধেমাজি বিষ্ণু মন্দিৰত জিলা বিজেপিৰ সভাপতিসহ আন চাৰিগৰাকী কৰ্মীৰে উপস্থিত হৈ বিধায়ক তথা নৱ নিৰ্বাচিত মন্ত্ৰী হিচাপে শপত লোৱা ডা৹ ৰণোজ পেগুৰ মংগল কামনা কৰি শৰাই, নৈবেদ্য আগবঢ়ায় ৷

লগতে পঢ়ক :লেঙেৰীজান চাহ বাগিচাত বহিঃলোকৰ প্ৰৱেশ নিষিদ্ধ