ধেমাজি, 1 জুলাই : জীয়াঢলৰ বানত প্ৰতিবছৰে সর্বস্বান্ত হৈ আহিছে ইয়াৰে নৈপৰীয়া মিচিং জনগোষ্ঠীৰ অধ্যুষিত অঞ্চলৰ লোক সকল ৷ কিন্তু জীয়াঢল নদীৰ খহনীয়া প্ৰতিৰোধৰ নামত মিচিং স্বায়ত্ত্বশাসিত পৰিষদে পূঁজি আৱণ্টনৰ নামত কেৱল কৰি আহিছে লুণ্ঠন ৰাজ ৷ খহনীয়া ৰোধৰ নামত কেৱল কেইডালমান বাঁহ আৰু বস্তা দিয়ে দায়িত্ব সামৰাৰ অভিযোগ উত্থাপন হৈছে পৰিষদটোৰ ওপৰত ৷
মঙলবাৰে মিচিং স্বায়ত্ত্বশাসিত পৰিষদৰ দুৰ্নীতিক লৈ সৰৱ হৈ পৰে ধেমাজি জিলা কংগ্ৰেছ কমিটিৰ সভাপতি নিতু বৰগোঁহাই ৷ পৰিষদক তীব্ৰ প্ৰত্যাহ্বান জনায় তেওঁ প্ৰশ্ন কৰে, চৰকাৰে দিয়া 370 কোটি টকা কি কৰিলে মিচিং স্বায়ত্ত্বশাসিত পৰিষদে ৷ জনগোষ্ঠীটোৰ উন্নয়নৰ নামতো একো কৰা নাই পৰিষদটোৱে ৷ তেন্তে মিচিং ৰাইজৰ গাঁৱে-গাঁৱে গৈ ইয়াৰ খতিয়ান দাঙি ধৰিব লাগিব বুলি কয় নিতু বৰগোঁহাইয়ে ৷
মিচিং স্বায়ত্ত্বশাসিত পৰিষদক প্ৰত্যাহ্বান ধেমাজি জিলা কংগ্ৰেছ কমিটিৰ সভাপতিৰ