ধেমাজিত অসম বন্ধৰ প্ৰভাৱ সৰ্বাত্মক

ধেমাজিত অসম বন্ধৰ সৰ্বাত্মক প্ৰভাৱ পৰা দেখা গ'ল বৃহস্পতিবাৰে ৷ নগৰখনৰ পেট্ৰ'ল ডিপোকে ধৰি বিভিন্ন ব্যৱসায়িক প্ৰতিষ্ঠান আৰু বিদ্যালয়সমূহ সম্পূৰ্ণ ৰূপত বন্ধ হৈ পৰে ৷

ধেমাজি, ১২ চেপ্তেম্বৰ : উচ্চতম ন্যায়ালয়ৰ নিষেধাজ্ঞাকো আওকাণ কৰি বৃহস্পতিবাৰে সদৌ অসম কোচ ৰাজবংশী যুৱ ছাত্ৰ সন্মিলনীৰ দ্বাৰা আহ্বান জনোৱা অসম বন্ধৰ প্ৰভাৱ ধেমাজিত সৰ্বাত্মক ৰূপত দেখা গ'ল ৷ নগৰখনৰ পেট্ৰ'ল ডিপোকে ধৰি বিভিন্ন ব্যৱসায়িক প্ৰতিষ্ঠান আৰু বিদ্যালয় সমুহ সম্পূৰ্ণ ৰূপত বন্ধ হৈ পৰে৷ ফলত বিদ্যালয়লৈ যোৱা ছাত্ৰ-ছাত্ৰীসকল ঘৰলৈ ঘূৰি যাবলৈ বাধ্য হয়৷ সেইদৰ যাতায়ত ব্যৱস্থাও অচল হৈ পৰে৷ বন্ধৰ সময় ছোৱাত কোনো বিক্ষিপ্ত ঘটনা সংঘটিত হোৱা নাই যদিও ত্ৰিশ গৰাকী বন্ধৰ সমৰ্থকক ধেমাজি আৰক্ষীয়ে আটক কৰা বুলি জানিব পৰা গৈছে ৷ উল্লেখ্য যে কোচঁ ৰাজবংশীৰ লগতে খিলঞ্জীয়া লোকৰ নাম ৰাষ্ট্ৰীয় নাগৰিকপঞ্জীৰ পৰা বাদ পৰাৰ প্ৰতিবাদত এই বন্ধৰ আহ্বান জনাইছিল৷