ধেমাজি, 12 জানুৱাৰী :ধেমাজিত চৰকাৰী ধনৰ অপচয় ৰোধৰ বাবে জিলা উপায়ুক্তক স্মাৰকপত্ৰ প্ৰদান 'অসম জাতীয়তাবাদী যুৱ পৰিষদ'ৰ ৷ অভিযোগ অনুসৰি, নলা-নৰ্দমা নিৰ্মাণৰ নামত ধেমাজিত চৰকাৰী ধনৰ অপচয় হৈছে ৷ এইক্ষেত্ৰত কেন্দ্ৰীয় সমিতিৰ সভাপতি উজ্জ্বল চুতীয়াই প্ৰতিক্ৰিয়া প্ৰকাশ কৰি কয় যে, নলা-নৰ্দমা নিমাৰ্ণৰ নামত ধেমাজিত ধবংস হৈছে চৰকাৰী ধনেৰে নিৰ্মিত ৰাজহুৱা সম্পত্তি ৷
ধেমাজিত চৰকাৰী ধনৰ অপচয় ৰোধৰ বাবে উপায়ুক্তক স্মাৰকপত্ৰ প্ৰদান অসম জাতীয়তাবাদী যুৱ পৰিষদৰ
ধেমাজি জিলা উপায়ুক্তৰ কাৰ্যালয়ৰ সন্মুখত উদ্যানখন সম্পূৰ্ণ উচ্ছেদ কৰি দিয়া হৈছে ৷ নলা-নৰ্দমা নিমাৰ্ণ কৰাৰ নামত সংশ্লিষ্ট বিভাগটোৱে মূল্যৱান গছ-গছনি কটাৰ অভিযোগ উত্থাপন হৈছে ৷ সেয়ে পৰিষদে এই কাৰ্যত গভীৰ উদ্বেগ প্ৰকাশ কৰি কয় যে, তেওঁলোকে উন্নয়নৰ বিৰোধিতা কৰা নাই কিন্ত নগৰ উন্নয়ন সু-পৰিকল্পিত হ'ব লাগে ৷ অন্যথা ভৱিষ্যতে উচ্ছেদ হ’লে ৰাজহুৱা ধনৰ অপচয় হোৱাৰ সম্ভাৱনা থাকে ৷