ধেমাজি,9 ছেপ্তেম্বৰঃ যি সময়ত চৰকাৰে কৃষি খণ্ডৰ আমূল পৰিৱৰ্তনৰ কথা কৈ আহিছে,কৃষকৰ ফচল বৃদ্ধিৰ লগতে আয় দুগুণ বৃদ্ধি হোৱা আশ্বাস দি আহিছে তেনে সময়ত কৃষি বিভাগে যোগান ধৰা উন্নত বীজৰ খেতি কৰি মহাবিপদত পৰিছে ধেমাজিৰ কৃষক।
অভিযোগ অনুসৰি ধেমাজি কৃষি খণ্ডৰ অধীনৰ তেলিজান পথাৰত ভূপেন দিহিংগীয়া নামৰ উদ্যমী কৃষক গৰাকীয়ে নিজৰ পাঁচ বিঘা মাটিত ধেমাজি কৃষি বিভাগৰ পৰা যোগান ধৰা ডি-আৰ-আৰ 42 নামৰ উন্নত প্ৰজাতিৰ ধানৰ বীজ আনি খেতি কৰিছিল । বিভাগে আশ্বাস দিয়া মতে এই বৰ্ণ সংকৰ ধানৰ প্ৰজাতিৰ পৰা 8 পৰা 12 মোন ধান উৎপাদন হয় । উল্লেখযোগ্য যে,60 দিনৰ ভিতৰত সকলো বীজৰ পৰা সমানে অংকুৰিত হৈ পৰে ধানৰ সমূহ বুলি কৃষি বিভাগে ভূপেন দিহিংগীয়াক কৈছিল। কিন্তু পৰিতাপৰ বিষয় যে,বিভাগৰ এই বৰ্ণ সংকৰ প্ৰজাতি ধানৰ পৰা নিধাৰিত সময়ত নোলাল বীজ । তদ্ৰুপ দুৰৱস্থা অঞ্চলটোৰ বহু কেইজন কৃষকৰ ।
