ধেমাজি, 23 মে': ১৪ নং লক্ষীমপুৰ লোকসভাৰ সমষ্টিৰ বিজয়ী প্ৰাৰ্থী প্ৰদান বৰুৱাক গৃহ সমষ্টি ধেমাজিত উষ্ম আদৰণি দলীয় কৰ্মীৰ ৷ প্ৰথমে ধেমাজি তিনি আলীৰ বিজেপি কাৰ্যালয়ৰ সন্মূখত গামোচা পিন্ধাই আদৰণি জনোৱাৰ পিচত নিজ বাসগৃহত ফটকা ফুটাই বিপুল আদৰণি জনোৱা হয় প্ৰাৰ্থীগৰাকীক ৷
উন্নয়নৰ স্বাৰ্থত বান্ধৰ প্ৰয়োজনীয়তা আছে: প্ৰদান বৰুৱা বিজয়ী হৈ উল্লাসিত হৈ পৰা প্ৰাৰ্থীগৰাকীয়ে সমষ্টিটোৰ বানপানী স্থায়ী সমস্যা সমাধানৰ লগতে নিবনুৱা সমস্যা সমাধান , অৰ্থ সামাজিক উন্নয়নত গুৰুত্ব আৰোপ কৰিব বুলি সদৰি কৰে ৷ তদুপৰি, নামনি সোৱণশিৰি জলবিদ্যুৎ প্ৰকল্পৰ প্ৰসংগত নামনি জনসাধাৰণৰ নিৰাপত্তা সুনিশ্চিত কৰি উন্নয়নৰ স্বাৰ্থত এই বান্ধৰ প্ৰয়োজনীয়তা আছে বুলি মন্তব্য প্ৰকাশ কৰে প্ৰদান বৰুৱাই ৷
