জোনাই,4 জুলাইঃ অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে জোনাই কংগ্ৰেছ কমিটিৰ দলীয় সদস্য সকলে তীব্ৰ প্ৰতিবাদ সাব্যস্ত কৰে ৷ অতি শীঘ্ৰে মূল্যবৃ্দ্ধি ৰোধ কৰিবলৈ দাবী জনাই প্ৰতিবাদকাৰী সকলে ৷
সমগ্ৰ ৰাজ্যৰ লগতে জোনাইতো শনিবাৰে মুৰ্কংচেলেক ব্লক কংগ্ৰেছ কমিটিয়ে অত্যাৱশ্যকীয় সামগ্ৰীৰ মূল্যবৃদ্ধিৰ বিৰুদ্ধে এক অৱস্থান ধৰ্ণা কাৰ্য্যসূচী ৰূপায়ন কৰে ৷ মুৰ্কংচেলেক ব্লক কমিটিৰ অস্থায়ী কাৰ্যালয়ত শতাধিক সদস্যই হাতে হাতে প্লে-কাৰ্ড লৈ চৰকাৰৰ বিৰুদ্ধে প্ৰতিবাদ সাব্যস্ত কৰে ৷ উক্ত প্ৰতিবাদী কাৰ্যসূচীত প্ৰতিবাদকাৰী সকলে মুখ্যমন্ত্ৰী হায় হায়, মূল্যবৃদ্ধি ৰোধ কৰক, অ এন জি চি ব্যক্তিগতকৰণ বন্ধ কৰক, আদি বিভিন্ন শ্ল'গান দি পৰিৱেশ উত্তাল কৰি তোলে ৷ লগতে বৰ্তমান মিত্ৰজোট চৰকাৰ খনে মূল্য বৃদ্ধি নিয়ন্ত্ৰণৰ লগতে সকলো দিশতেই ব্যৰ্থ হোৱা বুলি তীব্ৰ কটাক্ষ কৰে প্ৰতিবাদকাৰী সকলে ৷