দুদিনীয়া ভ্ৰমণসূচীৰে ধেমাজিত উপস্থিত কেন্দ্ৰীয় শক্তিমন্ত্ৰী ৰাজকুমাৰ সিং

দুদিনীয়া চৰকাৰী ভ্ৰমণসূচীৰে ধেমাজিত উপস্থিত হয় ভাৰত চৰকাৰৰ শক্তিমন্ত্ৰী ৰাজকুমাৰ সিং (Central power minister in Dhemaji) ৷ সমগ্ৰ কাৰ্যসূচীত মন্ত্ৰীগৰাকীক সংগ দিয়ে ধেমাজিৰ স্থানীয় বিধায়ক তথা মন্ত্ৰী ৰণোজ পেগু, সাংসদ প্ৰদান বৰুৱাৰ লগতে জিলা প্ৰশাসনৰ শীৰ্ষ বিষয়াসকলে ৷

ধেমাজি, 14 জুন : সোমবাৰে বিয়লি ভাগত দুদিনীয়া চৰকাৰী ভ্ৰমণসূচীৰে ধেমাজিত উপস্থিত হয় কেন্দ্ৰীয় শক্তিমন্ত্ৰী ৰাজকুমাৰ সিং (Central power minister in Dhemaji) ৷ তাৰ পাচত মন্ত্ৰীগৰাকীয়ে গেৰুকামুখস্থিত 2000 মেগাৱাট ক্ষমতা সম্পন্ন নামনি সোৱণশিৰি জলবিদ্যুৎ প্ৰকল্প (Lower Subansiri Hydroelectric Power Project) থলীত উপস্থিত হয় আৰু বুজ লয় বান্ধটোৰ সামগ্ৰিক পৰিস্থিতি ৷

ইয়াৰ পিছতে আজি অৰ্থাৎ মঙলবাৰে ধেমাজিত বিজেপি চৰকাৰৰ আঠ বছৰ সম্পূৰ্ণ কৰা উপলক্ষে জিলা প্ৰশাসন আৰু জিলা বিজেপিৰ দ্বাৰা আয়োজিত কেইবাখনো সভাত অংশগ্ৰহণ কৰে মন্ত্ৰী ৰাজকুমাৰ সিঙে ৷ লগতে চৰকাৰৰ কেইবাখনো আঁচনি বিশেষকৈ প্ৰধানমন্ত্ৰী আৱাস যোজনা, পি এম কিষাণ, জল-জীৱন আঁচনি, সৌভাগ্য আঁচনি, প্ৰধানমন্ত্ৰী মুদ্ৰা আঁচনি আদিৰ হিতাধিকাৰীৰ সৈতে মতবিনিময় কৰে কেন্দ্ৰীয় মন্ত্ৰীগৰাকীয়ে ৷

শক্তিমন্ত্ৰীক সংগ দিয়ে মন্ত্ৰী ডাঃ ৰণোজ পেগুৱে

মত বিনিময় অনুষ্ঠানৰ পিছতেই ধেমাজি নগৰৰ নলনিপাম পৰা ধেমাজি কাছাৰী ময়দানলৈ চাইকেলে ৰেলী কৰি এখন হিতাধিকাৰীৰ সন্মিলনত অংশগ্ৰহণ কৰে মন্ত্ৰী ৰাজকুমাৰ সিঙে ৷ তাৰ পাচত দুদিনীয়া চৰকাৰী ভ্ৰমণসূচী সম্পৰ্কত ধেমাজি জিলা বিজেপি কাৰ্যালয়ত এখন সংবাদমেল সম্বোধন কৰে কেন্দ্ৰীয় মন্ত্ৰীগৰাকীয়ে ৷

এই সমগ্ৰ কাৰ্যসূচীত মন্ত্ৰীগৰাকীক সংগ দিয়ে ধেমাজিৰ স্থানীয় বিধায়ক তথা মন্ত্ৰী ডাঃ ৰণোজ পেগু, সাংসদ প্ৰদান বৰুৱাৰ লগতে জিলা প্ৰশাসনৰ শীৰ্ষ বিষয়াসকলে ৷

লগতে পঢ়ক :Forest Bandit Surrendered: বাল্মিকী হোৱাৰ প্ৰতিশ্ৰুতি চাৰি বনদস্যুৰ