জোনাই, ৩ জুনঃ আমাজন প্ৰাইম নামৰ ৱেব চেনেল এটাত প্ৰচাৰিত পাতাল ল'ক নামৰ ৱেব চিৰিজৰ এটি দৃশ্যত নেপালী ভাষী গোর্খা সম্প্ৰদায়ৰ ওপৰত আপত্তিজনক মন্তব্যৰ বিৰুদ্ধে বুধবাৰে জোনাইত সদৌ অসম গোর্খা ছাত্ৰ সন্থাৰ ধেমাজি জিলা সমিতিয়ে জোনাইৰ আদালতত এক গোচৰ ৰুজু কৰে ৷
বলিউডৰ জনপ্ৰিয় অভিনেত্ৰী অনুষ্কা শৰ্মাৰ বিৰুদ্ধে জোনাই আদালতত গোচৰ আগছুৰ
উক্ত ৱেব ছিৰিজৰ নির্মাতা তথা বলিউডৰ জনপ্ৰিয় অভিনেত্ৰী অনুষ্কা শৰ্মাক এই বিতৰ্কিত দৃশ্য আঁতৰাবলৈ সদৌ নেপালী গোৰ্খা ছাত্ৰ সন্থাই বাৰে বাৰে দাবী জনাই অহাৰ পিছতো আজি পৰ্যন্ত এই দাবী মানি নোলোৱাত বলিউডৰ অভিনেত্ৰী গৰাকীৰ বিৰুদ্ধে জোনাইৰ আদালতত এক গোচৰ ৰুজু কৰিবলৈ বাধ্য হয় বুলি বুধবাৰে জোনাই গোর্খা ভৱনত এখনি সংবাদমেল যোগে এই কথা সদৰি কৰে সদৌ অসম গোর্খা ছাত্ৰ সন্থাৰ সভাপতি সোমৰাজ পুৰিয়ে ৷