ধেমাজি,18 মাৰ্চ:অসমত এতিয়া ভিৰ বাঢ়িছে তাৰকা প্ৰচাৰকৰ ৷ প্ৰতিটো সমষ্টিতে তাৰকা প্ৰচাৰকৰ জৰিয়তে বিজেপি আৰু কংগ্ৰেছ দলে নিৰ্বাচনী প্ৰচাৰ অব্যাহত ৰাখিছে ৷ বৃহস্পতিবাৰে ধেমাজি বিধানসভা সমষ্টিত কংগ্ৰেছ মহাজোটঁৰ প্ৰাৰ্থী শৈলেন সোণোৱালৰ হৈ নিৰ্বাচনী প্ৰচাৰ চলালে ছত্তীশগড়ৰ মুখ্যমন্ত্ৰী ভূপেশ বাঘেলে ৷ ধেমাজি সদৰৰ লিলি চিনেমা হলৰ বাকৰিত অনুষ্ঠিত কৰা সভালৈ হেলিকপ্তাৰে আহিল তাৰকা প্ৰচাৰক গৰাকী ৷
ধেমাজি ষ্টেডিয়ামত অৱতৰণ কৰাৰ পিছতে নিৰ্বাচনী প্ৰচাৰস্থলীত উপস্থিত কংগ্ৰেছ মহাজোঁটৰ তাৰকা প্ৰচাৰক গৰাকী ৷ ইয়াৰ পিছতে প্ৰাৰ্থী শৈলেন সোণোৱালে উষ্ম আদৰণি জনায় ছত্তিশগড়ৰ মুখ্যমন্ত্ৰী গৰাকীক ৷
প্ৰাৰ্থী শৈলেন সোণোৱালৰ ভাষণৰ পিছতেই তাৰকা প্ৰচাৰক ভূপেশ বাঘেলে আৰম্ভ কৰে নিৰ্বাচনী ভাষণ ৷ পৰিৱৰ্তনৰ দোহাই দি শাসনৰ বাঘজৰী লোৱা বিজেপিৰ মিত্ৰজোঁটৰ চৰকাৰৰ দিনত অসমত কেৱল নৰেন্দ্ৰ মোডীয়ে কোৱাৰ দৰে সকলোৰে আনন্দ সৰ্বানন্দ সোণোৱালৰ দিনত অসমত কেৱল মাত্ৰ ছিণ্ডিকেটৰ আনন্দ চলিছে ৷ মাছ-কণী-কয়লা সকলোতে চলিছে ছিণ্ডিকেট ৷