জোনাই,3 মাৰ্চ:ন বিজেপি তথা জোনাই সমষ্টিৰ গণশক্তি দলৰ বিধায়ক ভূৱন পেগুৰ বিৰুদ্ধে জোনাইত বিজেপি কৰ্মীসকলে তীব্ৰ প্ৰতিবাদ গঢ়ি তোলা পৰিলক্ষিত হৈছে ৷ মঙলবাৰেও বিধায়ক পেগুৰ বিজেপি দলত যোগদানক লৈ ক্ষোভ প্ৰকাশ কৰি সমষ্টিটোৰ শতাধিক কৰ্মীয়ে বিভিন্ন প্ৰতিবাদী শ্ল'গানেৰে পৰিৱেশ উত্তাল কৰি তোলা পৰিলক্ষিত হয় ৷
চিলাপথাৰৰ কুলাজানৰ সমীপত হাতে হাতে প্লে’কাৰ্ড লৈ বিজেপি কৰ্মীসকলে প্ৰতিবাদেৰে পৰিৱেশ উত্তাল কৰি তোলে ৷ 'ভূৱন পেগু গ' বেক', 'ভূৱন পেগুক নালাগে', 'প্ৰদান বৰুৱা মুর্দাবাদ', 'ৰাইজৰ মাটি বিক্ৰী কৰিব বিচৰা ভূৱন পেগুক নালাগে' আদি প্ৰতিবাদী শ্ল'গানেৰে পৰিৱেশ উত্তাল কৰে প্ৰতিবাদকাৰীসকলে ৷ বিধায়ক পেগুৱে একমাত্ৰ ৰাজনৈতিক স্বাৰ্থ সিদ্ধিৰ বাবে বিজেপিত যোগদান কৰা বুলি প্ৰতিবাদকাৰীসকলে প্ৰকাশ কৰে ৷
পেগুক টিকট প্ৰদান নকৰিবলৈ ৰাজ্যিক নেতৃত্বক আহ্বান প্ৰতিবাদী বিজেপি কৰ্মীৰ