জোনাই,3 মাৰ্চ:ৰাজ্যত তিনিটা পৰ্যায়ত অনুষ্ঠিত হ’ব 2021 ৰ অসম বিধানসভাৰ নিৰ্বাচন ৷ 27 মাৰ্চত অনুষ্ঠিত হ’ব প্ৰথম পৰ্যায়ৰ ভোটগ্ৰহণ ৷ 47 টা সমষ্টিত হ’ব এই ভোটগ্ৰহণ ৷ সম্প্ৰতি ৰাজনৈতিক দলসমূহৰ মাজত প্ৰাৰ্থিত্ব প্ৰদানক কেন্দ্ৰ কৰি ৰুদ্ধদ্বাৰ বৈঠক বহিছে যদিও কাক প্ৰাৰ্থিত্ব প্ৰদান কৰিব তাৰ সমীকৰণ মিলা নাই ৷ তাৰ মাজতে প্ৰথম পৰ্যায়ৰ নিৰ্বাচনৰ দিন সমাগত হোৱাৰ লগে লগে জোনাইত ভাৰতীয় জনতা দলত আৰম্ভ হৈছে প্ৰাৰ্থিত্বকেন্দ্ৰিক সংঘাত ৷ উল্লেখযোগ্য যে, গণশক্তিৰ বিধায়ক ভূৱন পেগুৱে বিজেপিত যোগদান কৰি জোনাইৰ পৰা টিকট লাভ কৰিব বুলি চৰ্চা লাভ কৰাৰ লগে লগে সমষ্টিটোৰ পুৰণি বিজেপিৰ কৰ্মীসকলে বিৰোধিতা কৰা দেখা যায় ৷
বিজেপিত যোগদান কৰাৰ পিচতে অথন্তৰ লাগিছে ভূৱন পেগুৰ !