চৰকাৰী আঁচনিক লৈ বিজেপি বিজেপিৰ মাজত খণ্ড যুদ্ধ

চৰকাৰী আঁচনিৰ বিতৰণক লৈ বিজেপি বিজেপিৰ মাজত এতিয়া খণ্ডযুদ্ধ । জোনাই বিজেপিৰ এখন কাৰ্যনিৰ্বাহক সভাৰ মাজতে শূন্যলৈ চকী দলিয়াই ক্ষোভ উজাৰিছে একাংশ বিজেপি কৰ্মীয়ে ।

জোনাই, ৭ মাৰ্চ:জোনাইত বিজেপি কৰ্মীৰ মাজত খণ্ডযুদ্ধ । চৰকাৰী আঁচনিৰ বিতৰণক লৈ বিজেপিৰ নিজৰ মাজতে এতিয়া খণ্ডযুদ্ধ । জোনাই বিজেপিৰ এখন কাৰ্যনিৰ্বাহক সভাৰ মাজতে শূন্যলৈ চকী দলিয়াই ক্ষোভ উজাৰিছে একাংশ বিজেপি কৰ্মীয়ে ।

জানিব পৰা মতে, শুকুৰবাৰে জোনাই টাউন ক্লাবত অনুষ্ঠিত হোৱা জোনাই মণ্ডলৰ বিজেপি এখন কাৰ্যনিৰ্বাহক সভাত পুৰণি বিজেপিৰ কৰ্মীসকলক অন্ধকাৰত ৰাখি সাংসদ প্ৰদান বৰুৱাৰ লগতে কংগ্ৰেছৰ পৰা বিজেপিলৈ অহা একাংশ ন-পুৰণি কৰ্মীয়ে সংসদ পুঁজিৰ আঁচনিকে ধৰি বিভিন্ন চৰকাৰী আঁচনিৰ ভাগ-বতৰা কৰা বুলি অভিযোগ উত্থাপন কৰে একাংশ পুৰণি বিজেপি কৰ্মীয়ে ৷ ইয়াকে লৈ ন-পুৰণি বিজেপি কৰ্মীৰ মাজত সৃষ্টি হৈ খণ্ড যুদ্ধৰ । একাংশ পুৰণি বিজেপি কৰ্মীয়ে ক্ষোভত শূণ্যলৈ চকী দলিয়াই ঘটনাস্থলীত উত্তপ্ত পৰিস্থিতিৰ সৃষ্টি কৰে ।