জোনাই, ৮ এপ্ৰিলঃ ৰাজ্যজুৰি প্ৰস্তুতি চলিছে ব’হাগ বিহুটিক আনন্দ উছাহৰ মাজেৰে আদৰি অনাৰ । ব’হাগ বিহুক কেন্দ্ৰ কৰি বিভিন্ন জাতি-জনগোষ্ঠীৰে ভৰা অসম অৰুণাচল সীমান্তৱৰ্তী জোনাইৰ চিমেন চাপৰিত অঞ্চলিক ছাত্ৰ সন্থাৰ উদ্যোগত আয়োজন কৰা হৈছে বিহু ৷ ব’হাগ বিহুক কেন্দ্ৰ কৰি বিভিন্ন জনগোষ্ঠীৰে ভৰা জোনাই চিমেন চাপৰিত অঞ্চলিক ছাত্ৰ সন্থাৰ উদ্যোগত ১০ দিনিয়াকৈ আয়োজন কৰা হৈছে এইবেলি বিহু ৷
অসমীয়াৰ বাপতিসাহােন ৰঙালী বিহুলৈ মাজত মাথাে কেইটামান দিন বাকী। ৰঙালী বিহুক আদৰিবলৈ সাজু প্রত্যেকজন অসমীয়া। অন্যান্য প্রান্তৰ লগতে জোনাইৰ বিভিন্ন প্রান্তত বিহু আখৰাৰে ৰঙালী বিহুক আদৰিবলৈ চলাইছে ব্যাপক প্রস্তুতি । ইয়াৰে জোনাইৰ চিমেন চাপৰি আঞ্চলিক ছাত্র সন্থাৰ উদ্যোগত চিমেন চাপৰি মিনি ষ্টুডিয়াম খেল পথাৰত যোৱা ৩ এপ্রিলৰ পৰা ১০ দিনীয়া কার্যসূচীৰে অনুষ্ঠিত কৰিছে বিহু নাচ আৰু ঢোল বাদন কর্মশালা । অঞ্চলটোৰ কণ-কণ শিশুৰ পৰা যুৱতীলৈ প্রায় দুশৰাে অধিক প্রশিক্ষার্থীয়ে অংশ গ্রহণ কৰা বিহু নাচ কর্মশালাখনত প্রশিক্ষণ দিছে ২০১৮ চনৰ লতাশিল বিহু সম্রাজ্ঞী জাগৃতি সন্দিকৈয়ে । তেনেদৰে প্রায় অর্থ শতাধিক শিশু-যুৱকে অংশ গ্রহণ কৰা ঢােল বাদন কর্মশালাত প্রশিক্ষণ দিছে দীপক গগৈয়ে ।
লগতে পঢ়কঃ ডিব্ৰুগড় বিশ্ববিদ্যালয়ৰ ভোট গণনা: আগবাঢ়ি আছে আছু সমৰ্থিত প্ৰাৰ্থী