জোনাই, ২৬ মে’ : আজি অৰ্থাৎ শুকুৰবাৰৰ পৰা আৰিমভ হ’ল সদৌ অসম বঙালী যুৱ ছাত্ৰ ফেডাৰেছনৰ পঞ্চদশ দ্বি-বাৰ্ষিক আৰু ধেমাজি জিলা সমিতিৰ অষ্টম দ্বি-বাৰ্ষিক অধিৱেশনখন ৷ পাঁচদিনীয়া বৰ্ণাঢ্য আৰু বিস্তৃত কাৰ্যসূচীৰে ধেমাজি জিলাৰ চিলাপথাৰ ভৈৰৱপুৰৰ নেতাজী সমন্বয় ক্ষেত্ৰত আয়োজন কৰা হৈছে এই অধিৱেশনখন (Bengali Youth Students Federation Central Conference began) ৷
এই অধিৱেশনখন কাৰ্যসূচীৰ অংশস্বৰূপে আজি পুৱা ৭ বজাত প্ৰসেনজিৎ নমুঃশূদ্ৰৰ নেতৃত্বত চলোৱা হয় এক স্বচ্ছতা অভিযান । পুৱা ৭:৩০ বজাত সমাজ সেৱক ধীৰেন্দ্ৰ মজুমদাৰৰ দ্বাৰা গছ পুলি ৰোপণ আৰু পুৱা ৮ বজাত বন্তি প্ৰজ্জলন কৰে সদৌ অসম বাঙালী যুৱ ছাত্ৰ ফেডাৰেচনৰ ধেমাজি জিলা সমিতিৰ কাৰ্যকৰী সভাপতি ধৰ্মেন্দ্ৰ দাসে ৷ পুৱা ৮:৩০ বজাত সদৌ অসম বাঙালী যুৱ ছাত্ৰ ফেডাৰেচনৰ ধেমাজি জিলা সমিতিৰ সভাপতি বিপ্লৱ দাসে জিলা সমিতিৰ পতকা উত্তোলন কৰাৰ পিচতে ৯ বজাত শ্বহীদ তৰ্পণ কৰে সদৌ অসম বাঙালী যুৱ ছাত্ৰ ফেডাৰেচনৰ ধেমাজি জিলা সমিতিৰ সাধাৰণ সম্পাদক গোবিন্দ মণ্ডলে (All AssamBengali Youth Students Federation) ৷
পুৱা ৯:৩০ বজাত মূল তোৰণ উন্মোচন কৰে অভ্যৰ্থনা সমিতিৰ সাধাৰণ সম্পাদক দেৱজিৎ দাসগুপ্তাই ৷ পুৱা ১০ বজাত অভ্যৰ্থনা সমিতিৰ কাৰ্যালয় উন্মোচন কৰে মিচিং স্বায়ত্তশাসিত পৰিষদৰ কাৰ্যবাহী সদস্য মলেন্দ্ৰ নাৰ্জাৰীয়ে ৷ পুৱা ১০:৩০ বজাত মূল মঞ্চ আৰু মণ্ডপ উন্মোচন কৰে অভ্যৰ্থনা সমিতিৰ কাৰ্যকৰী সভাপতি ড৹ উত্তম দাসে ৷ পুৱা ১১:৩০ বজাত অতিশালাৰ উন্মোচন কৰে অভ্যৰ্থনা সমিতিৰ যুটীয়া সম্পাদক সুজিত হাজঙে ।
ইয়াৰ পাচতে প্ৰদৰ্শনীৰ দ্বাৰ উন্মোচন কৰে অৱসৰপ্ৰাপ্ত শিক্ষক গোপাল চন্দ্ৰ দেৱে । দিনৰ ১১:৪৫ বজাত প্ৰচাৰ সমিতিৰ কাৰ্যালয় উদ্বোধন কৰে অভ্যৰ্থনা সমিতিৰ উপ সভাপতি তোলন সোণোৱালে । দিনৰ ১২ বজাত চিকিৎসা শিবিৰ সেৱা উন্মোচন কৰে সদৌ অসম বঙালী যুৱ ছাত্ৰ ফেডাৰেছনৰ উপ সভাপতি বিপ্লৱ সৰকাৰে । দুপৰীয় ১ বজাত স্বেচ্ছাসেৱী শিৱিৰ উন্মোচন কৰে অভ্যৰ্থনা সমিতিৰ বিত্ত সম্পাদক স্বৰূপ দাসে । দিনৰ ১:৩০ বজাত আৰক্ষী চাউনী উন্মোচন কৰে সদৌ অসম বঙালী যুৱ-ছাত্ৰ ফেডাৰেচনৰ ৰাজনৈতিক উপদেষ্টা বিশ্বজিত দাসে ৷
দিনৰ ২ বজাত জিলা সমিতিৰ প্ৰতিনিধি পঞ্জীয়ণ, আবেলি ৩ বজাত শ্বহীদ গৌৰাংগ মণ্ডল সোঁৱৰণী প্ৰতিনিধি শিৱিৰ মুকলি কৰে উদযাপন সমিতিৰ সহকাৰী বিত্ত সম্পাদক প্ৰহ্লাদ পালে । আবেলি ৩:৩০ বজাত শ্বহীদ শীতাংশু সৰকাৰ সোঁৱৰণী মঞ্চ উদ্বোধন কৰে অভ্যর্থনা সমিতিৰ সাধাৰণ সম্পাদক ড৹ দেৱজিৎ দাসগুপ্তই । আবেলি ৫ বজাত সাংস্কৃতিক মঞ্চ উদ্বোধন কৰে অভ্যর্থনা সমিতিৰ উপ-সভাপতি বিশু দাসে আৰু বন্তি প্ৰজ্বলন কৰে সদৌ অসম বঙালী যুৱ-ছাত্ৰ ফেডাৰেচনৰ চিলা-ভৈৰৱপুৰ আঞ্চলিক সমিতিৰ উপদেষ্টা ৰবীন্দ্ৰ দেৱনাথে ৷
ইয়াৰ পিচতে ৫:১৫ বজাত সদৌ অসম বঙালী যুৱ-ছাত্ৰ ফেডাৰেচনৰ কেন্দ্ৰীয় সমিতিৰ উপদেষ্টা অজয় চক্ৰৱৰ্তীৰ নেতৃত্বত বীৰ শ্বহীদসকলৰ পবিত্ৰ সোঁৱৰণত সমূহীয়া বন্তি প্ৰজ্বলনৰ পাচতে বিয়লি ৫ বজাত বিশিষ্ট ব্যক্তি তথা সংগঠনৰ প্ৰাক্তন কৰ্মীসকলক সম্বৰ্ধনা জনোৱা হয় । সন্ধিয়া ৬ বজাত ধামাইল প্ৰতিযোগিতা আৰু স্থানীয় শিল্পীৰ দ্বাৰা সংগীতানুষ্ঠানত গীতৰ শৰাই আগবঢ়াই কণ্ঠশিল্পী নীল বিশাল দাসে ৷ সন্ধিয়া ৭ বজাত জিলা প্ৰতিনিধি সভাৰ প্ৰথম বৈঠকত উদ্বোধক হিচাপে উপস্থিত থাকে সদৌ অসম বঙালী যুৱ-ছাত্ৰ ফেডাৰেচনৰ ধেমাজি জিলা সমিতি মুখ্য সংগঠক বিজয় দাসে ।
নিশা ৮ বজাত জিলা প্ৰতিনিধি সভাৰ দ্বিতীয় বৈঠক অনুষ্ঠিত কৰা হয় । প্ৰতিনিধি সভাত অসমৰ বাঙালীসকলৰ ডি' ভোটাৰ আৰু ডিটেনচন কেম্পৰ সমস্যাৰ লগতে বিভিন্ন জাতীয় সমস্যাৰ ওপৰত আলোচনা কৰি সিদ্ধান্ত ল’ব বুলি জিলা সমিতিৰ নেতৃত্বই সদৰী কৰে । কাইলৈ অৰ্থাৎ শনিবাৰে পুৱা ৮ বজাত বৃক্ষ ৰোপণ কৰিব ধেমাজি জিলা উপায়ুক্ত অংকুৰ ভৰালীয়ে ।