ধেমাজিত বীৰ লাচিত সেনা অসমৰ দুঘণ্টীয়া অৱস্থান ধৰ্মঘট

ধেমাজিৰ কাছাৰী ময়দানৰ সন্মুখত বীৰ লাচিত সেনা অসমৰ প্ৰতিবাদী কাৰ্যসূচী ৰূপায়ণ । অসম চুক্তিৰ ৬ নং দফা কাৰ্যকৰীকৰণ, কৃষি আইন বাতিলকে ধৰি কেইবাটাও দাবীত দুঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে সংগঠনটোৱে ।

ধেমাজি, ৩ ফেব্ৰুৱাৰী: বীৰ লাচিত সেনা অসমৰ ধেমাজি জিলা সমিতিৰ উদ্যোগত বুধবাৰে জিলাখনৰ কাছাৰী ময়দানৰ সন্মুখত প্ৰতিবাদ সাব্যস্ত কৰে সংগঠনটোৰ কৰ্মকৰ্তাই । কৃষি আইন বাতিল, অসম চুক্তিৰ ৬ নং দফা কাৰ্যকৰীকৰণকে ধৰি কেইবাটাও দাবীত সংগঠনটোৱে দুঘণ্টীয়া অৱস্থান ধৰ্মঘট কাৰ্যসূচী ৰূপায়ণ কৰে । প্ৰতিবাদী কাৰ্যসূচীত অংশগ্ৰহণ কৰি সংগঠনটোৰ কেন্দ্ৰীয় সমিতিৰ সাংগঠনিক সচিব শৃংখল চলিহাই শাসনাধিষ্ঠ বিজেপি চৰকাৰক তীব্ৰ সমালোচনা কৰে ।

অনাগত সময়ত বিজেপিক গাদীচ্যুত কৰিবলৈ বীৰ লাচিত সেনা সাজু বুলিও মন্তব্য কৰে সাংগঠনিক সচিবগৰাকীয়ে । লগতে অসমীয়া লোকৰ গাত হাত দিলে পৰিণাম ভয়ংকৰ হ'ব বুলি বৰাকৰ তথাকথিত বিজেপি নেতা প্ৰদীপ দত্ত ৰয়ক সকিয়নী দিয়ে । প্ৰতিবাদৰ অন্তত সংগঠনটোৱে দহ দফীয়া দাবী সম্বলিত স্মাৰকপত্ৰ ধেমাজি জিলা উপাযুক্তৰ জৰিয়তে মুখ্যমন্ত্ৰী সৰ্বানন্দ সোণোৱাললৈ প্ৰেৰণ কৰে ৷


লগতে পঢ়ক:6 ফেব্ৰুৱাৰীত গুৱাহাটীলৈ আহিব কেন্দ্ৰীয় বিত্তমন্ত্ৰী নিৰ্মলা সীতাৰমণ