Dhemaji commerce college viral video: সুৰাপান কৰি ভিডিঅ’ ভাইৰেল কৰাৰ সন্দৰ্ভত ধেমাজি বাণিজ্য মহাবিদ্যালয়ৰ অধ্যক্ষৰ প্ৰতিক্ৰিয়া

ধেমাজি বাণিজ্য মহাবিদ্যালয়ৰ ভাৰপ্ৰাপ্ত অধ্যক্ষ সহ দুই অধ্যাপকে সুৰাপান কৰাৰ এটা ভিডিঅ’ ভাইৰেল কৰাৰ পিচত কেমেৰাৰ আগত মুখ খুলিলে ভাৰপ্ৰাপ্ত অধ্যক্ষ সহ দুই অধ্যাপকে ৷ প্ৰকৃততে কি হৈছিল সেই দিনটোত...?

ধেমাজি, 21 আগষ্ট: যোৱা 11 আগষ্টত ধেমাজি জিলাৰ ধেমাজি বাণিজ্য মহাবিদ্যালয়ৰ ভাৰপ্ৰাপ্ত অধ্যক্ষ সহ দুই অধ্যাপকে সুৰাপান কৰাৰ এটা ভিডিঅ’ ভাইৰেল হৈছিল ৷ তাৰ পিচতে মহাবিদ্যালয়খনত ব্যাপক প্ৰতিক্ৰিয়াৰ সৃষ্টি হৈছিল ৷ মহাবিদ্যালয়ৰ চৌহদৰ ভিতৰত এনেদৰে ভাৰপ্ৰাপ্ত অধ্যক্ষ সহ দুই অধ্যাপকে সুৰাপান কৰা ভিডিঅ’টো সংবাদ মাধ্যমত ভাইৰেল হোৱাৰ পিচতেই ধেমাজি বাণিজ্য মহাবিদ্যালয়ৰ ছাত্ৰ একতা সভাই তদন্ত কৰাৰ দাবী কৰি প্ৰতিবাদ কৰিছিল ৷ এই ঘটনাক একমুখে গৰিহনা দিছিল ছাত্ৰ সমাজে ৷

ইয়াৰ পিচতে প্ৰায় 10 দিনৰ অন্তত সোমবাৰে ধেমাজি প্ৰেছ ক্লাবত এক সংবাদমেল সম্বোধন কৰে ধেমাজি বাণিজ্য মহাবিদ্যালয়ৰ ভাৰপ্ৰাপ্ত অধ্যক্ষ সহ দুই অধ্যাপকে ৷ সংবাদমেলখনত ধেমাজি বাণিজ্য মহাবিদ্যালয়ৰ ভিতৰৰে একাংশই আক্ৰোশমূলকভাৱে গোপনে মহাবিদ্যালয় চৌহদৰ বাহিৰত হোৱা ব্যক্তিগত দৃশ্য গোপনে ৰেকৰ্ডিং কৰি ভাইৰেল কৰাৰ অভিযোগ উত্থাপন কৰে ধেমাজি বাণিজ্য মহাবিদ্যালয়ৰ ভাৰপ্ৰাপ্ত অধ্যক্ষ বীৰেণ চন্দ্ৰ কোঁৱৰে ৷

11 আগষ্টত ধেমাজি বাণিজ্য মহাবিদ্যালয়ত গৰ্ভনিং বৰ্ডিৰ সভাৰ পিচত মহাবিদ্যালয়ৰ চৌহদত এনে কোনো আপত্তিজনক ঘটনা হোৱা নাছিল বুলি সংবাদমেলত দাবী কৰিছে অধ্যক্ষগৰাকীয়ে ৷ ভাইৰেল হোৱা দৃশ্য সম্পূৰ্ণ একান্ত ব্যক্তিগত আছিল আৰু মহাবিদ্যালয় চৌহদৰ বাহিৰৰ আৰু কলেজ সময়ৰ পিচৰ আছিল বুলি মন্তব্য প্ৰকাশ কৰে ৷

বৰঞ্চ সেইদিনা সন্ধিয়া 6 বজাত মহাবিদ্যালয়ৰ চৌহদৰ বাহিৰত হোৱা ব্যক্তিগত আলোচনাৰ দৃশ্য গোপনে কেমেৰা কৰি ভাইৰেল কৰিছিল একাংশই বুলি উল্লেখ কৰে তিনি অভিযুক্তই ৷ ইতিমধ্যে গোপনে কেমেৰাৰে ব্যক্তিগত দৃশ্য ভাইৰেল কৰা ব্যক্তিৰ বিৰুদ্ধে আইনগত ব্যৱস্থা লোৱাৰ কথা সংবাদমেলত প্ৰকাশ কৰে অভিযুক্ত শিক্ষক কেইগৰাকীয়ে ৷

লগতে পঢ়ক:Dhemaji college girl missing: ধেমাজিত কলেজীয়া ছাত্ৰী সন্ধানহীন