জোনাই, 5 জুন : লক ডাউনৰ মাজতে শুকুৰবাৰে ধেমাজি জিলাৰ জোনাইত এক ভয়ংকৰ পথ দুৰ্ঘটনা সংঘটিত হয়। জোনাই ৰাজাখানাৰ সমীপৰ ১৫নং ৰাষ্ট্ৰীয় ঘাইপথত সংঘটিত হয় দুৰ্ঘটনাটো ।
জোনাইত পথ দুৰ্ঘটনাঃ আহত চাৰি - Indian army
শুকুৰবাৰে ধেমাজি জিলাৰ জোনাইত এক ভয়ংকৰ পথ দুৰ্ঘটনা সংঘটিত হয় । ১৫ নং ৰাষ্ট্ৰীয় ঘাইপথত সংঘটিত হয় দুৰ্ঘটনাটো । ৪ গৰাকী আৰোহী গুৰুতৰভাৱে আহত ।
Accident in jonai, 4 people injuried-Etv bharat news
জানিব পৰা মতে,অৰুণাচলৰ পৰা লিকাবালিলৈ যোৱা সেনাৰ এখন জিপছি গাড়ী আৰু বিজয়পুৰৰ পৰা জোনাই সদৰলৈ অহি থকা এখন অ'টৰিক্সাৰ মাজত মুখামুখি সংৰ্ঘষ হয় । সংৰ্ঘষৰ ফলত দুয়োখন গাড়ী ৰাষ্ট্ৰীয় ঘাইপথৰ পৰা বহু তললৈ বাগৰি পৰে ৷
তথ্য অনুসৰি,অ'টৰিক্সাত থকা বানীকান্ত টায়ুং,ৰমনি দলে,বিনোদ টায়ুং আৰু কবিতা টায়ুং নামৰ চাৰিওগৰাকী আৰোহী আঘাতপ্ৰাপ্ত হয় ৷ আহত আটাই কেইগৰাকী আৰোহীক উন্নত চিকিৎসাৰ বাবে ডিব্ৰুগড় চিকিৎসা মহাবিদ্যালয়লৈ প্ৰেৰণ কৰা হৈছে ৷ ইফালে দুৰ্ঘটনা সংঘটিত কৰা সেনাৰ জিপছি গাড়ী খনো ঘাই পথৰ পৰা বাগৰি পৰে যদিও গাড়ীখনৰ কোনো লোক আঘাত প্ৰাপ্ত হোৱা নাই ।
লগতে পঢ়ক : জাজৰিকাণ্ডৰ অভিযুক্ত দুই আৰক্ষীক তিনিদিনৰ বাবে আৰক্ষীৰ জিম্মালৈ