জোনাইত মুৰ্কংচেলেকত আছুৰ উত্তাল প্ৰতিবাদ

মুৰ্কংচেলেক খণ্ড উন্নয়ণ কাৰ্যালয়ৰ একাংশ অসাধু বিষয়া-কৰ্মচাৰীৰ বিৰুদ্ধে তীব্ৰ প্ৰতিবাদ সাব্যস্ত কৰে ছাত্ৰ সন্থাৰ সদস্য সকলে ৷ পৰিস্থিতি নিয়ন্ত্ৰণ কৰিবলৈ ইতিমধ্যে আৰক্ষী মোতায়েন প্ৰশাসনৰ ৷

জোনাই, ২৮ জুলাইঃজোনাই মহকুমা মুৰ্কংচেলেক খণ্ড উন্নয়ণ কাৰ্যালয়ত চলি থকা বৃহৎ কেলেংকাৰীৰ তদন্তৰ দাবীত মঙলবাৰে জোনাই মহকুমা ছাত্ৰ সন্থাৰ উদ্যোগত তীব্ৰ প্ৰতিবাদ সাব্যস্ত কৰে ৷ প্ৰতিবাদকাৰী সকলে মুৰ্কংচেলেক খণ্ড উন্নয়ণ কাৰ্যালয়ৰ সন্মুখত সাব্যস্ত কৰে এই প্ৰতিবাদ ৷

উল্লেখ্য যে,জোনাই মহকুমাৰ অন্তৰ্গত মুৰ্কংচেলেক খণ্ড উন্নয়ণৰ প্ৰতিখন পঞ্চায়ততে MGNREGA ভুৱা জব কাৰ্ডৰ জৰিয়তে বৃহৎ পৰিমাণৰ ধন আত্মসাৎ কৰাৰ এক গুৰুতৰ অভিযোগ তোলে ৰাইজে ৷ তাৰোপৰি খণ্ড উন্নয়ন বিষয়া গৰাকীৰ সৈতে বিভিন্ন বিষয়া-কৰ্মচাৰীয়ে প্ৰধান মন্ত্ৰী আৱাস যোজনাৰ গৃহ নিৰ্মাণৰ নামতো ব্যাপক কমিচন ৰাজ চলি থকা বুলি গুৰুতৰ অভিযোগ কৰে প্ৰতিবাদকাৰী সকলে ৷ উক্ত দুৰ্নীতিৰ বিৰুদ্ধে জোনাই মহকুমা ছাত্ৰ সন্থাৰ সদস্য সকলে উত্তাল প্ৰতিবাদ সাব্যস্ত কৰে ৷ প্ৰতিবাদকাৰী সকলে অসম চৰকাৰ হায় হায়,সৰ্বানন্দ সোণোৱাল হুছিয়াৰ আদি বিভিন্ন শ্ল'গান দি পৰিৱেশ উত্তাল কৰি তোলে ৷

প্ৰতিবাদকাৰী সকলে মুৰ্কংচেলেক উন্নয়ণ খণ্ডত চলি থকা কেলেংকাৰীৰ বিৰুদ্ধে উচ্চ পৰ্যায়ৰ তদন্তৰ দাবীত প্ৰতিবাদকাৰী সকলে কাৰ্যবাহী দণ্ডাধীশ প্ৰীতম কুমাৰ দাসৰ হাতত অৰ্পণ কৰে এখন স্মাৰক পত্ৰ ৷ এই স্মাৰক পত্ৰ খন মহকুমাধিপতিৰ জড়িয়তে পঞ্চায়ত আৰু গ্ৰামোন্নয়ন মন্ত্ৰী,অসম চৰকাৰ আৰু উপায়ুক্তলৈ প্ৰেৰণ কৰা হ'ব বুলি দণ্ডাধীশ গৰাকীয়ে জানিবলৈ দিয়ে ৷

জোনাই মহকুমাৰ সাধাৰণ সম্পাদক নয়নজ্যোতি বৰাই মুৰ্কংচেলেক উন্নয়ন খণ্ডত সংঘটিত হৈ থকা এই ব্যাপক দুৰ্নীতি বিৰুদ্ধে অতি শীঘ্ৰে উচিত তদন্তৰ দাবী জনাইছে চৰকাৰ প্ৰশাসনক ৷ এই বিক্ষোভ কাৰ্যসূচীত শতাধিক ছাত্ৰ সন্থাৰ সদস্যই অংশ গ্ৰহণ কৰে ৷

লগতে পঢ়ক- অখিল গগৈৰ মুক্তিৰ দাবীত গোলাঘাটত উত্তাল প্ৰতিবাদ