ধেমাজিত তিনি শতাধিক নাচনীয়ে একেলগে নাচিলে বিহু

হেপাহৰ ৰঙালীক আদৰণী জনোৱাৰ উদ্দেশ্যেৰে ধেমাজিত একেলেগে বিহু নাচিলে তিনি শতাধিক নাচনীয়ে ৷ ধেমাজি আঞ্চলিক ছাত্ৰ সন্থাৰ উদ্যোগত ধেমাজি নগৰৰ কাছাৰী ময়দানত অনুষ্ঠিত হৈছে বিহু নাচ আৰু ঢোলবাদন কৰ্মশালা ৷

ধেমাজি, এপ্ৰিল: সমাগত ৰঙালী বিহুক আদৰিবলৈ সাজু ৰাজ্যবাসী ৷ আগন্তুক ৰঙালী বিহুৰ প্ৰস্তুতিৰ বাবে ৰাজ্যৰ লগতে সাজু ধেমাজিবাসী ৷ বিহুক আদৰিবলৈ তিনি শতাধিক নাচনীয়ে একেলগে নাচিছে বিহু নাচ ৷ ধেমাজি আঞ্চলিক ছাত্ৰ সন্থাৰ উদ্যোগত ধেমাজি নগৰৰ কাছাৰী ময়দানত অনুষ্ঠিত হৈছে বিহু নাচ আৰু ঢোলবাদন কৰ্মশালা ৷ সাতদিনীয়াকৈ অনুষ্ঠিত কৰ্মশালাত প্ৰশিক্ষণ প্ৰদান কৰে বিহু সম্ৰাজ্ঞী ঋতুপৰ্ণা সন্দিকৈ, বিহুৱা প্ৰণৱ দিহিঙীয়া লগতে লতাশিলৰ বিহু সম্ৰাজ্ঞী হিমাশ্ৰী শইকীয়াই ৷ এই কৰ্মশালাৰ জৰিয়তে ছাত্ৰ সন্থাই কেৱল ৰাজপথৰ আন্দোলনতে সীমাবদ্ধ নাথাকি উঠি অহা ছাত্ৰ-ছাত্ৰীসকলক বিহু আৰু অসমৰ লোক বাদ্যক শুদ্ধ আৰু পৰিশীলিত ৰূপত পৰিবেশন কৰাৰ বাবে ও নিৰৱিচ্ছিন্নভাৱে সংগ্ৰাম কৰি আহিছে বুলি মন্তব্য প্ৰকাশ কৰে জিলা ছাত্ৰ সন্থাৰ সভাপতি দিপক শৰ্মাই ৷