জোনাই ১৪ আগষ্ট:জোনাইৰ ৩ নং ৰায়াং বালিজান গাঁৱৰ এটি কিশোৰ বিগত ডেৰমাহে সন্ধানহীন হৈ আছে (Teenager missing from Jonai) ৷ বৰ্তমানলৈ কিশোৰটিৰ কোনো সন্ধান লাভ নকৰাত চিন্তিত হৈ পৰিছে পৰিয়ালটোৰ লগতে গাঁৱৰ ৰাইজ ৷ সন্ধানহীন কিশোৰটি ৰূপেশ্বৰ সোণোৱালৰ কিশোৰ পুত্ৰ গোপাল সোণোৱাল(১৩) বুলি জানিব পৰা হৈছে ৷ বিগত ৩০ জুনৰ পৰা নিৰুদ্দেশ হৈ আছে কিশোৰটি ৷
বিগত ৩০ জুনত একেখন গাঁৱৰে নিবাসী চতোৰ ভাই গুৰুং আৰু কামি ৰায় নামৰ লোক দুজন পুৱা ৬ বজাত আহি গোপাল সোণোৱালক(১৩) চোৰৰ সন্দেহত শোৱাপাটীৰ পৰাই উঠাই লৈ যায় (Jonai teenager missing) । ইয়াৰ পাছত কিশোৰটিক গাঁৱৰ চাৰিআলিত ৰচীৰে বান্ধি গুৰুতৰভাৱে মাৰধৰ কৰে ৷ উক্ত ঘটনাৰ পিছৰে পৰা নিৰুদ্দেশ হৈ আছে কিশোৰটি । পৰিয়াৰ তথা গাঁৱৰ মানুহে কিশোৰটিৰ বহু বিচাৰ-খোচাৰ কৰিও আজি পৰ্যন্ত কোনো ধৰণৰ শুংসূত্ৰ নোপোৱাত হতাশ হৈ পৰিছে ৷
জোনাইত ডেৰমাহে সন্ধানহীন কিশোৰ