ধেমাজি,6 আগষ্ট:মানুহে মানুহৰ বাবে বোলা কথাষাৰ পুনৰবাৰ প্ৰতিপন্ন হৈছে ধেমাজিত ৷ এগৰাকী যুৱকৰ মহানুভৱতাৰ বাবে নতুন জীৱন লাভ কৰিলে ধেমাজিৰ এটা দৰিদ্ৰ পৰিয়ালে ৷ ধেমাজি বিধানসভা সমষ্টিৰ অন্তৰ্গত আজোহা গাঁও পঞ্চায়তৰ অন্তৰ্গত হিলৈপৰা গাঁৱত কন্যা মামনি কোঁচৰ সৈতে বাস কৰে যদুকান্ত কোঁচ নামৰ ব্যক্তিগৰাকীয়ে ৷ ৰুগীয়া পিতৃ-কন্যাই অতি কষ্টেৰে জীৱন নিৰ্বাহ কৰা সত্বেও কোনোধৰণৰ সহায় আগবঢ়োৱা নাছিল গাঁওবাসীয়ে ৷ আত্মীয়সকৰ দ্বাৰা অৱহেলিত পৰিয়ালটোৱে লাভ কৰা নাছিল কোনো চৰকাৰী সাহায্য ৷ এটি জৰাজীৰ্ণ জুপুৰিত দিন কটোৱা পিতৃ-কন্যাই অভাৱত পৰিছিল অন্ন-বস্ত্ৰ-বাসস্থানৰ ৷ পৰিয়ালটোৰ এনে দুৰ্দশাৰ খবৰ লাভ কৰি সহায় আগবঢ়োৱাৰ অৰ্থে পৰিয়ালটোৰ কাষত থিয় হৈছে সৌৰভজ্যোতি বৰুৱা নামৰ এগৰাকী মানৱ দৰদী যুৱক ৷ সম্পূৰ্ণ নিজাববীয়া প্ৰচেষ্টাত যুৱকগৰাকীয়ে ৰোগাক্ৰান্ত যুৱতী মামনিক উন্নত চিকিৎসাৰ বাবে তেজপুৰলৈ লৈ যায় ৷ পৰৱৰ্তী সময়ত চিকিৎসা লাভ কৰি সুস্থ হৈ উঠে যুৱতীগৰাকী ৷ বৰ্তমান সম্পূৰ্ণ সুস্থ মামনিয়ে অনায়াসে কৰিব পাৰে ঘৰৰ সকলো কাম ৷ যুৱকগৰাকীৰ তৎপৰতাতে পৰিয়ালটোৰ ঘৰত সংযোগ কৰা হৈছে বিদ্যুত ৷ কিন্তু পৰিয়ালটোৱে বাস কৰা ঘৰটো পুনৰ নিৰ্মাণৰ বাবে বৰ্তমান যুৱকগৰাকীয়ে সহায় আহ্বান কৰিছে বিভিন্নজনৰ পৰা ৷
এগৰাকী যুৱকৰ মহানুভৱতাই নতুন জীৱন দিলে ধেমাজিৰ এটা পৰিয়ালক - আজোহা গাঁও পঞ্চায়ত
এগৰাকী যুৱকৰ মহানুভৱতাৰ বাবে নতুন জীৱন লাভ কৰিলে ধেমাজিৰ এটা দৰিদ্ৰ পৰিয়ালে ৷ সৌৰভজ্যোতি বৰুৱা নামৰ মানৱ দৰদী যুৱকগৰাকীয়ে নিজাববীয়া প্ৰচেষ্টাৰে এটা পৰিয়ালক সকলো প্ৰকাৰৰ সহায় আগবঢ়াই চৰ্চিত হৈছে ধেমাজিবাসীৰ মাজত ৷
মানৱ দৰদী এগৰাকী যুৱকৰ পদক্ষেপ
মানৱ দৰদী এগৰাকী যুৱকৰ পদক্ষেপ
যান্ত্ৰিকতাৰে পৰিপূৰ্ণ পৃথিৱীত আনৰ কথা ভাৱিবলৈ আহৰি নথকা লোকৰ বাবে এই যুৱকগৰাকী হৈ পৰিছে এক আদৰ্শ ৷ উদীয়মান যুৱকগৰাকীৰ এনে প্ৰচেষ্টাক শলাগিছে ধেমাজিৰ বিভিন্নজনে ৷
লগতে চাওকঃবিলাসীপাৰাত বিধ্বংসী অগ্নিকাণ্ড:লক্ষাধিক মূল্যৰ সম্পত্তি বিনষ্ট
Last Updated : Aug 6, 2020, 10:22 AM IST